有鑊氣-酸菜魚 (大全街)

营业中

休息中

近年好喜欢嘅中菜馆之中，平靓正之选。今日同屋企人黎食，个个都大赞。江南四小拼 - 每款份量唔算好好，但可以同时试到四款江南小食，不错～有爽脆海蜇头、川味口水鸡、宫廷一口脆（腌萝卜）同鲜沙姜猪手。冰镇咕噜肉 - 黎呢度真系唔可以唔食呢道菜。冰镇后嘅令外层非常脆口，炸粉厚度适中，咬落仍然热辣辣。伴碟嘅青提同青椒提升整体清新感。老坛酸菜鱼 - 可以拣叫鲈鱼或桂花鱼，有你例牌或大份拣。我地叫左一份鲈鱼例牌。酸菜汤底味道一流，鱼片好滑，无乜骨。配菜仲有芽菜、椰菜花同烟靭宽粉。生炒腊味糯米饭 - 炒得够干身，唔会觉得油冧冧。腊肠、膶肠、虾米、花生粒⋯好香口。大澳虾膏通菜炒鲜鱿 - 以虾膏炒，闻到已经流口水，食落都好惹味，鲜鱿好爽脆。