八一蕃巴蜀烤魚店 (鱟地坊)

营业中

休息中

近排成日去荃湾食嘢，有时突然想食重口味嘅嘢，记得有条街有几间烤鱼，当中有间条鱼唔系用油炸嘅，系用新鲜鱼现烤嘅，非常吸引☺️餐厅唔算好大，不过干净企理，坐得都好舒服，空间感够大，啱晒几个朋友一齐食饭饮酒。佢口味好正宗，价钱又唔贵，朋友唔系好食得辣，所以拣咗蕃茄味。佢嘅配料劲丰富，全部都系送嘅，根本唔需要额外点太多嘢，有蕃茄、西芹、豆芽、洋葱、腐皮、粉皮。。。我哋要咗细边，两个人都好够食。我哋净系加咗份竹笙打边炉，因为我真系好钟意食佢😍除咗烤鱼，我哋仲试咗两串串烧，羊肉串好惹味，钟意食羊嘅人一定要点。另外，烧鳗鱼都好好味，好肥美，值得一试，配上1664，正呀😆