美新茶餐廳 (已結業)

想约朋友集合 , 唔记得地址 , 所以上 openrice 睇一睇 , 顺便望一望d食评 , 呢间茶餐厅预左无人赞 , 由于食品都是人有佢有 , 价钱中等 , 味道一般 , 服务咪荼餐厅 , 唔通系酒店咩 , 咁既情况应该无特别 , 不过食评好多都丧插 , 连望吓餐牌都知唔好食 , 真奇怪 , 内心有点抱不平 .我觉得呢间系麻甩佬茶餐厅 , 你带女朋友唔好黎 , 想揾美食唔好黎 , 价钱唔系平到呕 , 不过佢都大大碟 .咁乜野系麻甩佬茶餐厅 ? 麻甩佬者 , 求恋期也 !你唔好以为间间茶餐厅都可以做麻甩佬生意 ? 首先要有电视 , 跑马日要识转台 .单拖既 , 你唔理我 , 我唔理你 , 粗粗豪豪才是最合适服务 . 味道 ? 麻甩佬 , 几十元都唔会计较 , 最重要大碟填肚 , 唔好转头又肚饿 ! 不过味道我唔觉太差 , 中规中矩 , 麻甩佬精神 , 起码佢唔系狂加味精 . 但如果你要比拼咖哩 , 你真系入错舖头 .我唔系熟客 , 不过帮衬了几年 , 总比去过一次既清楚 .....