影片
更多
2024-01-18
1862 浏览
👍🏻无限时鸡煲火锅放题 $278起真无限时任饮任食任坐，鸡煲火锅任加🤪！一口价食足8个钟，性价比好高超抵食🤑-鸡煲一共7款口味，款式都几特别少见，例如冬阴功、椰香、芝士、酸菜鸡煲等港式沙嗲鸡煲，沙嗲味非常浓郁，椰香突出又有少少花生香一路煲滚收水后变成极浓稠嘅沙嗲酱汁，成件事好癫，啱晒重口味钟意沙嗲嘅朋友😈！鸡件厚肉大旧，原只芝麻鸡上，唔会净系得鸡背/骨，肉质好嫩滑，入味得嚟又食到鸡味，以任食鸡煲嚟讲，真心掂😙！鸡煲食完一煲可以再叫，每次落单都系新鲜炒起，食够就可以直接加汤打边炉，或者成煲换新汤底又得，可拣猪骨汤、芫荽皮蛋汤或微辣沙嗲汤-手机落单同自助区有多款火锅配料、饮品任食任拎肉类款式唔多，但质素唔错，唔系劲多肥膏/雪味劣质肥牛，尤其安格斯牛肩胛，牛味浓整体几款丸类都出色唔系颓货，墨丸似鱼蛋铺个种真材实料，咬到墨鱼肉粒🤤牛丸爆汁黑椒味重，墨汁墨丸鲜味更加浓郁，鱼片头大大旧劲弹牙芝士肠仲要系金妹牌同有日版出前一丁！嗌沙嗲汤底嘅话可以自制极浓挂汁重口味版嘅沙嗲牛肉公仔面😈另外仲有麻辣牛肚、炸鱼皮、饺子云吞等等-地方干净唔会立痴痴/大阵味，座位阔落坐得舒服唔限时可以慢慢食，好啱成班朋友ga
真无限时任饮任食任坐，鸡煲火锅任加🤪！
一口价食足8个钟，性价比好高超抵食🤑
-
鸡煲一共7款口味，款式都几特别少见，例如冬阴功、椰香、芝士、酸菜鸡煲等
港式沙嗲鸡煲，沙嗲味非常浓郁，椰香突出又有少少花生香
一路煲滚收水后变成极浓稠嘅沙嗲酱汁，成件事好癫，啱晒重口味钟意沙嗲嘅朋友😈！
鸡件厚肉大旧，原只芝麻鸡上，唔会净系得鸡背/骨，肉质好嫩滑，入味得嚟又食到鸡味，以任食鸡煲嚟讲，真心掂😙！
鸡煲食完一煲可以再叫，每次落单都系新鲜炒起，食够就可以直接加汤打边炉，或者成煲换新汤底又得，可拣猪骨汤、芫荽皮蛋汤或微辣沙嗲汤
-
手机落单同自助区有多款火锅配料、饮品任食任拎
肉类款式唔多，但质素唔错，唔系劲多肥膏/雪味劣质肥牛，尤其安格斯牛肩胛，牛味浓
整体几款丸类都出色唔系颓货，墨丸似鱼蛋铺个种真材实料，咬到墨鱼肉粒🤤
牛丸爆汁黑椒味重，墨汁墨丸鲜味更加浓郁，鱼片头大大旧劲弹牙
芝士肠仲要系金妹牌同有日版出前一丁！
嗌沙嗲汤底嘅话可以自制极浓挂汁重口味版嘅沙嗲牛肉公仔面😈
另外仲有麻辣牛肚、炸鱼皮、饺子云吞等等
-
地方干净唔会立痴痴/大阵味，座位阔落坐得舒服
唔限时可以慢慢食，好啱成班朋友gathering吹水，宵夜好去处😎
-
味道：8/10
性价比：9/10
-
📍#食鸡 @winnerchickenhk
大角咀洋松街38号地下1-2号舖
张贴
