上海美華菜館 (已結業)

知道土瓜湾有2间好好食o既粢饭，一心谂住要去试下。本应系想去豆浆王阿妈，因为听讲话另一间个老板娘好有性格嫁，我唔想比人赶出门口。哈哈讲笑啦，因为我比较近豆浆王阿妈，所以决定去呢间。点知......东主有事要28/8先开返，唯有冒住三十几度行去美华啦！行到身水身汗，入到去人唔多因为又未到食饭时间，睇下meun先但系点解得D大野，睇黎睇去都冇粢饭o既?!一问之下，原来粢饭系要早餐先有。行到身水身汗，专登去到土瓜湾，竟然食唔到冇理由坐低坐行返出去嫁，其实我好想，但算啦。系众多食物中，我叫左炸酱面同豆浆。豆浆好细杯，个炸酱面未黎其实我已经饮哂，个炸酱面好唔上海，反而有d屋企感觉。有d杂豆o既......味道ok啦，但个面几好食其实。下一次一定要早d，我要食粢饭，粢饭，粢饭。