添好運點心專門店 (已結業)

支持了open rice 已好幾年的我第一次寫食評，可想言之我真係忍受唔住要發洩我的不滿！今日懷住試新店期待有驚喜的心情光顧竟換來一肚氣，不得不公開不滿！首先在Facebook 已呻了一埸，原來好多朋友都有同感，我諗如果貴寶號想生意可以發揚光大，睇黎真係要檢討一下⋯！首先，埸內坐位都較擠迫，我們一家三口，其中一位是兩歲的bb, 竟然只安排了兩個位比我地，全程bb坐在我大比上用餐都唔緊要，身邊的人要走都要＂呑＂枱出入非常不便，我們反映給店員知，竟換來了一句＂舖租貴，無辦法＂真係o哂咀！另外埸內冷氣欠奉，我地滴著汗要求較大多少冷氣，店員說：多人係咁架喇！其後我聽到其他食客也有同樣要求先攞個搖控較大冷氣，真係要咁慳咩？定想叫啲人食完快d走？最離譜嘅都係我個女係一個bb竟然要收我茶錢，收銀話我地冇加一架，係人頭都要收！癲架，bb一滴茶都冇飲過，我地都叫唔少野，都收真係第一次見！！食物唔使講啦，冇驚喜，一般酒樓好過佢！！總括黎講，員工態度差，環境唔舒適，食物冇特別，總之過隔離阿鴻冇咁嬲！！開舖幾個月已經係咁，相信係佢地嘅文化，幾好食我都唔會再去！！