影片
更多
2014-10-09
1744 浏览
當你每一日都出街食飯嘅時候，其實都係想返屋企食住家菜，奈何停不了的約會，為了兩者兼得，就唯有揀返啲中菜嚟食下，所以特意揀左呢間本來由尖沙咀帝國中心搬過嚟嘅住家菜勒~ 比起舊舖，真係難搵左架! 門口位亦好窄~想影哂個門面真係一定要用廣角鏡先得! (就連新出嘅note 4 都影唔哂~)其實舖嘅出面已經放左啲菜單出嚟，等我地等嘅時候可以諗下食啲乜野好~ 由於我book左位，所以等都唔使等就入坐，不過你唔好為book位就有好位，我竟然係坐係2枱2人枱中間，好鬼迫，而且枱與枱之間相距唔多，人地講乜都聽到哂，真係「屋企」一樣! 所以唔係好適合談心!是日老火湯係木瓜雪耳湯，呢間餐廰賣點係不落味精，而且湯入面仲有湯渣俾你食，所以飲起上嚟真係令人懷念係屋企飲媽咪啲湯嘅日子，建議大家叫一碗都得，因為夠2個人嘅分量。我不得不叫這客黃金蝦，以前係帝國中心舊舖時點過已經覺得好好食，今次再點依然無失水準，佢用左啲炸粉蘸滿左隻開左少少邊嘅蝦，再將咸蛋王同蟹子蘸滿蝦身，一上碟夠鑊氣，仲聞到少少蝦醬味，唔通係獨門秘方?每隻蝦都炸到成隻雞脾仔咁，賣相真係好靚，係度食開年飯一定要點呢味餸。我朋友好想食菜，於是我點左呢客蛋白
門口位亦好窄~想影哂個門面真係一定要用廣角鏡先得! (就連新出嘅note 4 都影唔哂~)
其實舖嘅出面已經放左啲菜單出嚟，等我地等嘅時候可以諗下食啲乜野好~
由於我book左位，所以等都唔使等就入坐，不過你唔好為book位就有好位，我竟然係坐係2枱2人枱中間，好鬼迫，而且枱與枱之間相距唔多，人地講乜都聽到哂，真係「屋企」一樣! 所以唔係好適合談心!
是日老火湯係木瓜雪耳湯，呢間餐廰賣點係不落味精，而且湯入面仲有湯渣俾你食，所以飲起上嚟真係令人懷念係屋企飲媽咪啲湯嘅日子，建議大家叫一碗都得，因為夠2個人嘅分量。
我不得不叫這客黃金蝦，以前係帝國中心舊舖時點過已經覺得好好食，今次再點依然無失水準，佢用左啲炸粉蘸滿左隻開左少少邊嘅蝦，再將咸蛋王同蟹子蘸滿蝦身，一上碟夠鑊氣，仲聞到少少蝦醬味，唔通係獨門秘方?
每隻蝦都炸到成隻雞脾仔咁，賣相真係好靚，係度食開年飯一定要點呢味餸。
我朋友好想食菜，於是我點左呢客蛋白蟹肉西蘭花，蛋白同蟹肉完全優美地放上西蘭花的上面，還有些乾瑤柱做裝飾。西蘭花係淥熟唔係炒熟，都唔緊要，最重要係唔會淥到變左黃色就okay! 整碟餸嘅份量好適中，無論係西蘭花定蛋白蟹肉，每一舊西蘭花都可以伴一口蛋白蟹肉，不錯耶!
這裡很推介的魷魚馬蹄啄肉餅，我認為肉餅一定要好似膠膠地咁，先好食，而啄肉餅要有膠膠地嘅質感，多數都要人手啄，呢碟餸真係唔錯，好好送飯之餘，其實就咁食都唔漏，不過事實係，我地食左2碗白飯之後，已經飽到要打包!
店方見我地食哂啲野之後，每枱都會問一問要唔要免費糖水，而今日就係花生麥米粥，雖然係免費，但依然好足料，幾乎成碗都係花生! 不過對於我嚟講太甜勒，而且我唔係好鍾意食花生，所以我食左一半就算。
我同朋友最後略嫌呢度有啲嘈，而且我地個位比起其他位更加唔係好方便講私人野，所以最後就決定埋單，搵過第二度飲野勒。
题外话/补充资料：
題外話1:其實呢度落雨時係有借遮服務，如果umbrella revolution再有需要，可以食飽再借埋遮再去~!
題外話2:外賣盒要1蚊個，建議大家去之前預備環保食物盒
題外話3:呢間舖搞緊好強嘅social marketing，只要大家like佢個page，share食物相同朋友嘅相係佢地個page度，就會送張老火湯券你下次用，你仲可以download埋佢個apps，下次嚟點過其他菜添! (職業病發.....)
(以上食记乃用户个人意见 , 并不代表OpenRice之观点。)
张贴
