影片
更多
2014-10-09
1724 浏览
当你每一日都出街食饭嘅时候，其实都系想返屋企食住家菜，奈何停不了的约会，为了两者兼得，就唯有拣返啲中菜嚟食下，所以特意拣左呢间本来由尖沙咀帝国中心搬过嚟嘅住家菜勒~ 比起旧舖，真系难揾左架! 门口位亦好窄~想影哂个门面真系一定要用广角镜先得! (就连新出嘅note 4 都影唔哂~)其实舖嘅出面已经放左啲菜单出嚟，等我地等嘅时候可以谂下食啲乜野好~ 由于我book左位，所以等都唔使等就入坐，不过你唔好为book位就有好位，我竟然系坐系2枱2人枱中间，好鬼迫，而且枱与枱之间相距唔多，人地讲乜都听到哂，真系「屋企」一样! 所以唔系好适合谈心!是日老火汤系木瓜雪耳汤，呢间餐廰卖点系不落味精，而且汤入面仲有汤渣俾你食，所以饮起上嚟真系令人怀念系屋企饮妈咪啲汤嘅日子，建议大家叫一碗都得，因为够2个人嘅分量。我不得不叫这客黄金虾，以前系帝国中心旧舖时点过已经觉得好好食，今次再点依然无失水准，佢用左啲炸粉蘸满左只开左少少边嘅虾，再将咸蛋王同蟹子蘸满虾身，一上碟够镬气，仲闻到少少虾酱味，唔通系独门秘方?每只虾都炸到成只鸡脾仔咁，卖相真系好靓，系度食开年饭一定要点呢味𩠌。我朋友好想食菜，于是我点左呢客蛋白
门口位亦好窄~想影哂个门面真系一定要用广角镜先得! (就连新出嘅note 4 都影唔哂~)
其实舖嘅出面已经放左啲菜单出嚟，等我地等嘅时候可以谂下食啲乜野好~
由于我book左位，所以等都唔使等就入坐，不过你唔好为book位就有好位，我竟然系坐系2枱2人枱中间，好鬼迫，而且枱与枱之间相距唔多，人地讲乜都听到哂，真系「屋企」一样! 所以唔系好适合谈心!
是日老火汤系木瓜雪耳汤，呢间餐廰卖点系不落味精，而且汤入面仲有汤渣俾你食，所以饮起上嚟真系令人怀念系屋企饮妈咪啲汤嘅日子，建议大家叫一碗都得，因为够2个人嘅分量。
我不得不叫这客黄金虾，以前系帝国中心旧舖时点过已经觉得好好食，今次再点依然无失水准，佢用左啲炸粉蘸满左只开左少少边嘅虾，再将咸蛋王同蟹子蘸满虾身，一上碟够镬气，仲闻到少少虾酱味，唔通系独门秘方?
每只虾都炸到成只鸡脾仔咁，卖相真系好靓，系度食开年饭一定要点呢味𩠌。
我朋友好想食菜，于是我点左呢客蛋白蟹肉西兰花，蛋白同蟹肉完全优美地放上西兰花的上面，还有些干瑶柱做装饰。西兰花系渌熟唔系炒熟，都唔紧要，最重要系唔会渌到变左黄色就okay! 整碟𩠌嘅份量好适中，无论系西兰花定蛋白蟹肉，每一旧西兰花都可以伴一口蛋白蟹肉，不错耶!
这里很推介的鱿鱼马蹄啄肉饼，我认为肉饼一定要好似胶胶地咁，先好食，而啄肉饼要有胶胶地嘅质感，多数都要人手啄，呢碟𩠌真系唔错，好好送饭之余，其实就咁食都唔漏，不过事实系，我地食左2碗白饭之后，已经饱到要打包!
店方见我地食哂啲野之后，每枱都会问一问要唔要免费糖水，而今日就系花生麦米粥，虽然系免费，但依然好足料，几乎成碗都系花生! 不过对于我嚟讲太甜勒，而且我唔系好钟意食花生，所以我食左一半就算。
我同朋友最后略嫌呢度有啲嘈，而且我地个位比起其他位更加唔系好方便讲私人野，所以最后就决定埋单，揾过第二度饮野勒。
题外话/补充资料：
题外话1:其实呢度落雨时系有借遮服务，如果umbrella revolution再有需要，可以食饱再借埋遮再去~!
题外话2:外卖盒要1蚊个，建议大家去之前预备环保食物盒
题外话3:呢间舖搞紧好强嘅social marketing，只要大家like佢个page，share食物相同朋友嘅相系佢地个page度，就会送张老火汤券你下次用，你仲可以download埋佢个apps，下次嚟点过其他菜添! (职业病发.....)
(以上食记乃用户个人意见 , 并不代表OpenRice之观点。)
张贴
