美味的泰國菜餐廳 (已搬遷) 新店位置

呢日去开深水埗有啲野搞，事先未谂好食乜，不过都吾惊，深水埗向来系美食集中地，好易就发掘到好野食。果然行经戈一带好快就揾到一间喺市区黎讲相对隐世嘅餐厅，最正确位置其实系长沙湾同深水埗中间，不过要揾都吾会话好难揾。次次食泰国菜都会叫炸虾饼，今次都吾例外，虾饼颜色呈橙啡，虾饼入面嘅虾胶打得结实，吾会松散，出面戈层就脆卜卜。串烧又系每次食泰国菜必点，叫咗猪、牛、鸡各1串，串烧被烧过嘅味道吾算明显，反而肉味好明显，所以整体黎讲都系几好食，点埋沙爹酱好香口😋第1个主食系大虾金边粉，表面舖满蛋丝个样好靓💛睇得又食得😊侧边有花生碎，令金边粉变得香口，大虾都吾少同埋新鲜，但味道偏淡，可以自己食惯重口味🙈🙊第2个主菜系蟹肉炒饭，就咁睇好似平平无奇，里面啲蟹肉都比想像中多😍🦀炒饭确实有佢嘅吸引力，喺一粒粒米饭当中食出镬气。蟹肉真材实料，食到啲蟹壳🤣食完野就到饮嘢时候，首先叫咗菠萝沙冰，外型好吸睛，好似一柱擎天咁🤣同时都不乏咸香味，证明真系新鲜菠萝制成🍍咸咸甜甜味道可口。食泰国菜点可以吾饮椰青🥥椰青比想像中襟饮好多，饮极都饮吾完咁😆平时戈啲好快就饮晒。甜度都吾over，椰子味重。