華記食店

营业中

休息中

去上环睇展览, 沿路周围随意行; 无意中见到街边有个易拉架餐牌印住炒粉面饭堂食$30, 外卖$26, 本来想留肚入长洲扫街, 见咁抵, 就去试下~ 环境虽然一般, 但衞生情况无问题的; 坐低望住餐牌, 原来变咗堂食$32, 外卖$26; 讲真宜家外面环境, 就算深水埗元朗等旧区都做唔到呢口价啦, 先不讲舖租人工, 连基本嘅食物都好贵, 所以真的觉得$32 超平!!!!!! 当我心大心细唔知食乜嘅时候, 有位姐姐推介我试魔鬼炒饭, 姐姐话系豆豉鲮鱼炒饭, 好多人食的, 叫我一试, 好, 反正我有选择困难症, 就试下啦; 等候期间, 姐姐话呢度有免费汤及糖水供应, 平日一至五仲会有猪骨粥; 自助形式的, 仲好, 自己想食就去装; 当日系绿豆沙, 哗...一试, 掂呀, 好足料, 同糖水舖嘅无分别, 姐姐话佢地嘅汤及糖水系用明火煲的, 宜家外面好少用明火煲了, 有都唔系呢D价啦, 仲要呢度堂食时系免费㖞!!!!! 试埋个饭, 好掂!!!!!! 宜家豆豉鲮鱼外面一罐都廿几三十蚊啦, 碟饭嘅鲮鱼, 唔会因为价钱而切到好细好碎, 系够料够份量的(无论饭及鲮鱼), 呢度嘅炒粉面仲要系即叫即炒, 好新