讚記廚房 (已結業)

今日去开西环揾个朋友，听讲有间茶记又平又抵食又好食，所以下午茶时间去咗试下。见佢平平哋都冇乜太大期望，但当我切开块西多士个一刻，我彻底改观晒，幅相完全冇夸张，牛油加埋炼奶再加埋朱古力夹心果种罪恶感，冇嘢比呢个组合更邪恶，食落去完全不会同坊间出名嘅西多士比下去。公仔面就正正常常，面质爽口，唔会食落去林晒，而猪扒同煎蛋都有水准，猪扒都入味，值得回头再试。