影片
更多
2022-10-28
58 浏览
最近家附近开咗间新既小食店，系红磡广场侧边既小巷，了解下先知呢间小食店系附近餐厅既前股东再开，而且保留咗上一手泰王海南鸡既海南鸡饭，加埋台式小食，都几多种类！虽然店舖系小巷，但卫生情况几唔错，比以前同舖位既泰王更好！我地今日系外卖，当然店舖外都有枱櫈可以堂食啦。我地首先叫咗两个驰名既手抓饼，一个系「台湾古早风（芋泥＋肉松）」（$33），另一个系「煎蛋手抓饼配芝士同肉松」（$22＋配料$13）手抓饼都好大块，料好足，特别系有劲多肉松！我个人比较钟意芋泥果款，甜甜既芋泥加埋肉松真系无得弹，当然煎蛋果个都有好香浓既芝士味，既饱肚，又好惹味。小食我地叫咗一客「盐酥鸡」（$28）同一客「地瓜QQ棒（三条）」（$15），盐酥鸡估唔到佢都有咁多，好抵食！我钟意佢个炸皮真系够晒脆，令人食唔停口！QQ棒虽然写系三条，但今次店家就比咗四条我地，哈哈！QQ棒入面系甜蕃薯馅，十分烟韧，同其他菜式好唔同既口感！食呢两样小食真系有去咗台湾夜市既感觉，大家都可以试下佢地其他既小食。主食我地就叫咗一碟「秘制去骨海南鸡饭」（$46）加埋髀位（$8），跟餐汤附近其实都有几间海南鸡饭，但我欣赏呢间小店既系，鸡既份量真系多，
了解下先知呢间小食店系附近餐厅既前股东再开，
而且保留咗上一手泰王海南鸡既海南鸡饭，加埋台式小食，都几多种类！
虽然店舖系小巷，但卫生情况几唔错，比以前同舖位既泰王更好！
我地今日系外卖，当然店舖外都有枱櫈可以堂食啦。
我地首先叫咗两个驰名既手抓饼，
一个系「台湾古早风（芋泥＋肉松）」（$33），另一个系「煎蛋手抓饼配芝士同肉松」（$22＋配料$13）
手抓饼都好大块，料好足，特别系有劲多肉松！
我个人比较钟意芋泥果款，甜甜既芋泥加埋肉松真系无得弹，
当然煎蛋果个都有好香浓既芝士味，既饱肚，又好惹味。
小食我地叫咗一客「盐酥鸡」（$28）同一客「地瓜QQ棒（三条）」（$15），
盐酥鸡估唔到佢都有咁多，好抵食！
我钟意佢个炸皮真系够晒脆，令人食唔停口！
QQ棒虽然写系三条，但今次店家就比咗四条我地，哈哈！
QQ棒入面系甜蕃薯馅，十分烟韧，同其他菜式好唔同既口感！
食呢两样小食真系有去咗台湾夜市既感觉，大家都可以试下佢地其他既小食。
主食我地就叫咗一碟「秘制去骨海南鸡饭」（$46）加埋髀位（$8），跟餐汤
附近其实都有几间海南鸡饭，但我欣赏呢间小店既系，
鸡既份量真系多，同埋真系超滑，感觉系有浸过冰水～
汁料系跟姜葱，钟意既可以点下，我就觉得就咁食啲鸡都超好食，
另一客饭就系「泰式烧猪颈肉饭」（$46），
呢个价钱，呢个份量既猪颈肉真系好癫，而且猪颈肉都切得唔厚，易入口，
而跟饭果个酸辣酱真系好正，令成个饭层次又再提升咗！
值得一提既系呢间餐厅既黄油饭都好好饭，好香浓既味道，成个package都好好！
仲唔够喉，就叫一杯「黑糖鲜奶QQ」（$28），
系黑糖珍珠鲜奶（仲系环保杯），特别钟意佢既珍珠唔系好甜，饮落够香唔腻
另外更惊喜既系，店家系用明治顶级果只鲜奶，入口超级Creamy浓厚，真心估佢唔到
最后就嗌咗一个「Q弹相聚」（有三色芋圆、珍珠同双色寒天晶球）（$25），
甜品系新出既，但真系估唔到佢咁癫——啲料多到就嚟泻，
仲要卖紧$25，真系抵到一个点，食到好满足！
无谂过一间小巷小店可以咁好食，推荐大家试下！
张贴
