鳴門魚市場居酒屋 (已結業)

疫情关系， 思乡病经常发作， 成日都挂住日本嘅美食。 寻幽探秘之后 喺西营盘揾到一间。好地道嘅日式小店。呢度嘅装修都十分有日本嘅味道。北海道刺身丼，$328。 刺身选材同埋相 真系好有当日喺小樽食刺身丼嘅感觉， 有拖罗，海胆，三文鱼腩，油甘鱼 ，三文鱼子，赤虾同埋带子， 阵容相当丰富！ 基本上里面嘅刺身全部都鲜甜味美， 饭粒亦相当分明， 十分高质。丰御膳，$458。 呢个一人set包三款刺身， 一个小食， 一个主食， 一碗迷你鳗鱼饭同埋甜品。 呢度嘅刺身真系无可挑剔， 特别系个三文鱼腩，油香满满， 令人一试爱上。 作为主食嘅安格斯肉眼就不过不失。由于呢度嘅刺身真系唔错， 最后决定加码点空运新鲜货， 三文鱼腩太好味所以要加码， 另外点咗日本好出名嘅金目鲷刺身， 火炙嘅外皮加上嫩滑嘅刺身 ，不愧为日本名物。