菓屋 (已結業)

系葵广行行下街，见到间特色茶饮店，以新鲜水果茶做主打。门面装饰都几靓，Menu都好特别，口痕又想试下，不过女仔总会有D日子唔可以饮冻野，所以呢次只试左佢嘅热饮。热野选择唔多，我就拣左台湾红柚茶（热，无糖，$25），Order果阵店员都提醒我会有少少苦涩，怕嘅人可能就要留意。睇落价钱偏贵，不过见到店员听到Order，就会攞新鲜生果即榨，如果系叫当造嘅水果茶应该都几正。热饮就无靓靓杯，攞到手真心超热，但饮得出茶底唔错，一梳梳果肉仲系杯里面，试得出系几新鲜，下次可以试下其他野饮。