泰誇張

营业中

休息中

位于西环嘅泰夸张，餐厅室内设计以蓝绿色为主调，仲有地下的色彩地砖，显得很有个性。餐牌配有泰文中文英文，食物种类繁多。泰式酸辣清汤望落去系好清嘅清汤，但味道嘅丰富程度不亚于冬阴功，酸辣层次分明，十分开胃，汤料都好足料，有大虾，青口，鱿鱼，鲜味十足！泰式生菜包呢个系食泰菜系必食嘅item，首先味道我系好满意，最油份适中食落比较香口，肉碎用太瘦嘅肉就唔好食，呢个有瘦有肥，好食！猪肉红咖喱呢个咖喱嘅味道我系第一次食到，辣就唔算系好辣，但味道个层次都几特别，第一口好明显系食到泰式咖喱嘅味香料同蔬菜味都融合左，但最后有少少日式咖喱嘅个甜味作结，所以感觉几特别。蟹肉炒饭炒饭嘅饭粒够干身，唔会太多油，火镬气好足，配料同蟹肉比例都唔错，唔讲都会食得出系蟹肉炒饭。珍多冰龙眼冰两杯饮品味道都够正宗，珍多冰椰香超浓，龙眼冰味道就唔会死甜而系清甜，爆多果肉。