影片
更多
2019-09-03
111 浏览
为左报答🐢🍯嘅爱，今日落堂同佢嚟食好西。上网睇到呢间米芝莲餐厅好似卖海南鸡卖到上天咁，所以嚟试下。一入门口我以为自己去错餐厅，因为佢门口就系个吧台，饮酒果啲，唔系冲奶茶咖啡果啲🤣但入到入边就系正式餐厅，环境几舒服，佢连餐牌都设计得好特别。而最重要系成晚播嘅歌都系啲流行曲（英文嘅）全部都系我喜欢嘅歌，美食加音乐，完全唔舍得走。嚟到天天海南鸡餐厅当然要叫返个海南鸡啦，158蚊例牌，其实两个人嚟讲份量好足，因为佢系冇骨，叠起两层。啲鸡好嫩滑，佢原本已经有鸡汁，所以唔点酱都够味。但海南鸡唔少得豉油同泰式辣酱加埋嘅「海南鸡酱」，辣辣地，味道冇出面果啲咁浓。除左呢个，佢仲俾左个沙姜汁，佢磨到啲姜好幼滑，味道唔浓但好香姜味，佢啲酱冇咁浓令你可以食到鸡嘅原本甜味。然后重点嚟啦 - 油饭。佢个油饭系我食过最好食嘅油饭，因为佢个饭原本已经好够味，真系斋嚟食饭都唔夸张。佢一啲都唔油，但做到粒粒有味，而且啲饭煮到岩岩好，粒粒分明，真系好好食，两个女仔食到一粒不留。除左呢两个重点菜，我地仲嗌左个香茜蛏子，因为🐢🍯好喜欢食芫茜，而我又喜欢食蛏子🤣佢将啲蛏子洗得好干净，白雪雪咁，再加埋佢个冷盘麻油汁，好清新嘅感觉，
嚟到天天海南鸡餐厅当然要叫返个海南鸡啦，158蚊例牌，其实两个人嚟讲份量好足，因为佢系冇骨，叠起两层。啲鸡好嫩滑，佢原本已经有鸡汁，所以唔点酱都够味。
海南鸡
$158
32 浏览
1 赞好
0 留言
但海南鸡唔少得豉油同泰式辣酱加埋嘅「海南鸡酱」，辣辣地，味道冇出面果啲咁浓。除左呢个，佢仲俾左个沙姜汁，佢磨到啲姜好幼滑，味道唔浓但好香姜味，佢啲酱冇咁浓令你可以食到鸡嘅原本甜味。
然后重点嚟啦 - 油饭。佢个油饭系我食过最好食嘅油饭，因为佢个饭原本已经好够味，真系斋嚟食饭都唔夸张。佢一啲都唔油，但做到粒粒有味，而且啲饭煮到岩岩好，粒粒分明，真系好好食，两个女仔食到一粒不留。
油饭
$48
20 浏览
0 赞好
0 留言
除左呢两个重点菜，我地仲嗌左个香茜蛏子，因为🐢🍯好喜欢食芫茜，而我又喜欢食蛏子🤣佢将啲蛏子洗得好干净，白雪雪咁，再加埋佢个冷盘麻油汁，好清新嘅感觉，简简单单完全食晒莞茜嘅香味同蛏子嘅鲜甜味。
另外因为🐢🍯都好钟意食海胆，所以试埋佢个海胆豆腐，其实我原本唔喜欢食豆腐，但佢个豆腐实在太过滑，滑到我都唔识形容，加埋佢个汁同海胆真系好好食。
最后头先提过佢呢度有酒吧位置，所以我地都可以饮杯嘢倾下计。佢啲cocktail mocktail都好靓好特别，原本想试下佢杯1950咖啡酒，但可能我地嚟得有点晏，冇晒咖啡。所以我就转左去「饮茶」。
呢壶茶真系好好饮，佢系冧酒加香草柠檬草呢类比较fresh嘅香料，好易入口。而且佢上时会俾两个杯你share饮，真系可以好似饮茶咁，好睇又好饮。
饮茶
$128
11 浏览
0 赞好
0 留言
除左酒类胆普通啡茶，佢仲有水果茶，呢度真系乜都有😂我地仲嗌左杯百香茉莉，酸酸甜甜，茉莉又好香，清一清喉咙👍🏼
百香茉莉
$33
16 浏览
0 赞好
0 留言
呢餐饭无论色香味同环境都好正，呢个价钱但享受到嘅食物质素同服务，其实我觉得好合理。听住自己喜欢嘅歌，食住美食，真系五官都好忙🤣但今晚我忙得好开心。
张贴
