白鬍子炸魚薯條

营业中

休息中

之前嚟过呢间《白胡子》，试过佢地既炸鱼薯条好好食，成日都好想再嚟，今日同两个死党行开呢头附近，梗系要带埋佢地去试下la，呢排天气都几热我地都系简左入室内坐，一来冇咁热二来可以好近部游戏机可随时玩返两手，讲返嘢食先今次由我发板叫左:-招牌炸鱼薯条-白啤酒青口 -白啤酒炸蚝 -明太子酿鸡翼 -铁板安格斯西冷 -冻柠茶 炸鱼薯条同啤酒炸蚝同样保持倒好高水准，呢两款炸嘅小食都系即叫即做新鲜即炸，出嚟既味道果然系零舍不同，青口用白啤酒既煮法都几特别而且个味都几夹几好食，跟青口仲附送几件蒜蓉包都唔讲得笑，啲蒜蓉好入味个包又脆脆地非常之好食，明太子酿鸡翼都唔错，我同朋友都特别推介铁板安格斯西冷，虽然唔系去咗扒房，但呢度块牛扒嘅水准好高好有牛肉味，牛肉质素食得出真系靓嘅安格斯西冷，而且整嘅生熟度恰到好处，点少少附带既酱汁同埋盐粒配合埋真系冇得输，呢度店员嘅服务都好好，尤其女店员好亲切又好好笑容， 所以今日呢个聚会又食得开心又玩得开心，啲死党完全冇诈型，仲话一有机会都会再嚟tim。