銀咖哩 (已結業)

久违的排球，重新再接触，好热血㖞～喺运场打完波，消耗左好多，肚仔成队仪杖队打锣打鼓，系是系补充一下啦！个fd话坚肚饿要擦餐劲，我就话运动完想忍口食少d～佢话想去试银咖哩大大咖哩饭㖞～呢间野系喺东港城商场的小型food count内，所以有点开放式嘅感觉，呢度个厨房，系以透明玻璃围住，入面嘅卫生情况，透明度相当高架！餐牌上，有著各种不同配料嘅咖哩饭，最平嘅咖哩汁饭只系$20！好抵㖞～话哂都叫日式咖哩连锁店吖～而成个餐牌最吸精嘅当然系价值$75嘅富士山咖哩饭，亦系个fd今次要挑战果个！我叫左净汁$20果个，份量ok架～虽然佢话净汁，但汁入面会食到细细碎碎嘅洋葱同薯仔，咖哩汁味道香而不辣，少少甜甜地，食完亦唔会有热气嘅感觉～枱上有罐红色嘅甜酸萝卜片免费添加～爽脆醒胃，味道超好，与咖哩味道好配合，老老实实，我食左人成三份一罐，叫廿蚊饭仲食人甘多箩卜，有冇唔好意思先？！哈哈一幅强烈对比嘅图～哗！！！无呃称㖞！真心大件头！ 真心特盛～我心谂食晒实劲凸头先消耗左嘅卡路里～不过，我都忍唔住食左半件吉列猪同半条肠，吉列猪肉厚，肉质松化，肠仔应该食落系我至爱嘅厨师肠！最后，个男仔fd今次嘅挑战系失！败！嘅