M Kitchen (已結業)

又應朋友邀請去試新餐廳，今次地點係荃灣，好方便我返屋企😁一去到覺得裝修好清新好舒服，幾岩一班人傾計聚會同影相👍Menu勁多選擇，對於我呢個選擇困難既人黎講簡直係一大難題🙈最終叫咗一個我熱愛嘅奶油脆豬仔包😍 重量級石燒牛柳配薯條，花膠鮑魚雞湯泡飯，同埋一般熱檸蜜～奶油豬好大份！烘得好靚，奶油重手，非常好味😋個石燒牛柳真係好“重量級”，店員上菜既時候我地都呆左😂 肉質juicy，調味適中唔會太咸，好抵食！！👍👍花膠鮑魚雞湯泡飯好足料，個雞湯唔油又重雞味，勁多舊花膠，超滋補😂 下次可以再去試啲今次眼闊肚窄試唔到既野😎