影片
更多
2024-05-17
404 浏览
闲日见无乜嘢做，决定去离岛行吓，啱啱过完佛诞假期，应该无咁多人，所以决定入长洲，今次利害差唔多行晒成个岛主嘅主要景点，接近日落，紧系要揾食，然后归家。 行过「海鲜街」，见佢个餐牌几吸引，所以决定嚟呢度～新潮发海鲜菜馆，点解话佢餐牌吸引？因为好多时套餐系set定几多人，几多只指定𩠌，系无得拣，同埋食海鲜，大家一定最怕俾人「㓥」到一颈血，佢呢度任你选几多样𩠌菜，就几多钱，心谂系咪咁正？可能系份量大小之分呱。 我哋二个人拣「4款」$368～避风塘鲜鱿，沙爹粉丝蟹煲，蒜蓉粉丝开边虾，同埋蒜蓉蒸班头腩（呢味写明加$30）。 避风塘鲜鱿～我认知嘅避风塘炒乜炒物系有好多金蒜辣椒之类炒得好野味，呢度味道系够，鱿鱼亦新鲜，但多咗好多葱同青椒（最尾张相），早知叫椒盐鲜鱿，无咁多「配菜」。 沙爹粉丝蟹煲～通常系粉丝多过蟹，俾人人都系正常谂法😅，但呢度系蟹多过粉丝，虽然系成煲蟹仔，肉唔多，我唔系「蟹民」，志在过口瘾，叫做过嚟食过海鲜咁，味道一般，无我谂嘅沙爹味，胜在份量够，我记得曾几何时去西贡海鲜街话「米猪莲」果间食二人嘅海鲜套餐，果碟姜葱蟹～一只仔，细到我都唔好意思夹
啱啱过完佛诞假期，应该无咁多人，所以决定入长洲，今次利害差唔多行晒成个岛主嘅主要景点，接近日落，紧系要揾食，然后归家。
行过「海鲜街」，见佢个餐牌几吸引，所以决定嚟呢度～新潮发海鲜菜馆，点解话佢餐牌吸引？因为好多时套餐系set定几多人，几多只指定𩠌，系无得拣，同埋食海鲜，大家一定最怕俾人「㓥」到一颈血，佢呢度任你选几多样𩠌菜，就几多钱，心谂系咪咁正？可能系份量大小之分呱。
我哋二个人拣「4款」$368～避风塘鲜鱿，沙爹粉丝蟹煲，蒜蓉粉丝开边虾，同埋蒜蓉蒸班头腩（呢味写明加$30）。
避风塘鲜鱿～我认知嘅避风塘炒乜炒物系有好多金蒜辣椒之类炒得好野味，呢度味道系够，鱿鱼亦新鲜，但多咗好多葱同青椒（最尾张相），早知叫椒盐鲜鱿，无咁多「配菜」。
沙爹粉丝蟹煲～通常系粉丝多过蟹，俾人人都系正常谂法😅，但呢度系蟹多过粉丝，虽然系成煲蟹仔，肉唔多，我唔系「蟹民」，志在过口瘾，叫做过嚟食过海鲜咁，味道一般，无我谂嘅沙爹味，胜在份量够，我记得曾几何时去西贡海鲜街话「米猪莲」果间食二人嘅海鲜套餐，果碟姜葱蟹～一只仔，细到我都唔好意思夹嚟食，俾女友食就算，呢度好唔好食一件事，起码有成三只蟹仔😂
蒜蓉开边蒸虾～算正正常常，粉丝可以落多啲，因为只虾真系太「瘦」（细只），真系去饮茶虾肠粉只虾都好「肉」过佢，胜在新鲜。
主角～蒸班头腩～呢味最好食，唔怪得老板系咁叫我食，佢真系无介绍错，新鲜，厚肉，入口啖啖肉，最紧要系无「腥味」～推介。
顺带一提呢度送个～粟米鱼肚羹同埋生菜，个羹虽然系送，但真系又几好味。
二个人埋单～4个𩠌加支啤酒，食海鲜唔过$500，又有日落咸蛋黄睇，要求唔高嘅话ok la,我个人觉得扺食过西贡，下次入嚟会吓第二间。
张贴
