影片
更多
2023-10-23
92 浏览
上次经过试咗佢嘅手摇，今次试埋佢嘅铁板烧，哗真系睇表演咁款 (虽然我成日俾个staff嘅兰花指吸引咗😂)，但佢烧嘢嘅手势真系好似杂技咁好睇，睇表演都抵啦🤩—。—全日铁板烧优惠餐 $148/位-🥗 精美前菜 + 时令田园沙律有少少海藻同啲日式前菜，爽口开胃，仲有新鲜沙律，配咗我最爱嘅芝麻酱，甜甜的，正< 4.5/5 >-🌽 季节蔬菜有瓜有菜有粟米仔同冬菇，烧得一啲都唔干，仲好juicy，火候控制一流< 4/5 >-🦐 大虾大虾唔系得个名，真系超大只，师傅连个虾头都烧得好有心机，入面有好多虾膏，虾肉好弹牙，冇过多嘅调味已经好鲜甜，如果钟意浓味仲可以点佢嘅海鲜酱，都好香，酸酸甜甜咁< 4.5/5 >-🧈 美国牛肉薄烧 (2片)师傅会先问你想食几成熟，好贴心，大大片牛肉，虽然油花未算最靓，但烧完出嚟油香好足，啖啖肉汁，面头有少少焦香，包埋啲烧香咗嘅蒜粒同葱花，劲yummy，更加突显咗个牛味< 5/5 >-🍚 牛肉/烟肉炒饭饭加埋蛋汁去炒，粒粒分明，啖啖都食到蛋嘅香味，牛肉碎都唔少，而且好香，略略带啲脆脆哋嘅口感，师傅唔会加太多豉油
—。—
全日铁板烧优惠餐 $148/位
-
🥗 精美前菜 + 时令田园沙律
有少少海藻同啲日式前菜，爽口开胃，仲有新鲜沙律，配咗我最爱嘅芝麻酱，甜甜的，正
< 4.5/5 >
-
🌽 季节蔬菜
有瓜有菜有粟米仔同冬菇，烧得一啲都唔干，仲好juicy，火候控制一流
< 4/5 >
-
🦐 大虾
大虾唔系得个名，真系超大只，师傅连个虾头都烧得好有心机，入面有好多虾膏，虾肉好弹牙，冇过多嘅调味已经好鲜甜，如果钟意浓味仲可以点佢嘅海鲜酱，都好香，酸酸甜甜咁
< 4.5/5 >
-
🧈 美国牛肉薄烧 (2片)
师傅会先问你想食几成熟，好贴心，大大片牛肉，虽然油花未算最靓，但烧完出嚟油香好足，啖啖肉汁，面头有少少焦香，包埋啲烧香咗嘅蒜粒同葱花，劲yummy，更加突显咗个牛味
< 5/5 >
-
🍚 牛肉/烟肉炒饭
饭加埋蛋汁去炒，粒粒分明，啖啖都食到蛋嘅香味，牛肉碎都唔少，而且好香，略略带啲脆脆哋嘅口感，师傅唔会加太多豉油，因为想大家食到原汁原味，但都会问你需唔需要，好细心㗎
< 4/5 >
—。—
🥩 美国牛肉厚烧 (80g) +$90
如果想食好啲，可以升级到厚烧或者其他种类嘅牛，我试咗同款牛肉嘅厚烧，今次就系一口牛咁，啲肉汁更加锁晒喺入面，而且表层同入面嘅生熟度唔同，会有不一样的口感，薄烧著重喺香味，而厚烧就著重于口感，一样出色
< 4.5/5 >
—。—
🥓 豚肉薄烧 (3片)
如果大家唔食牛，亦可以转做豚肉，豚肉相对冇咁大块，但就有三块，油香都系好足，猪味好浓郁，一样包住满满嘅蒜粒同葱心，食落都好juicy好香，一样冇得顶
< 5/5 >
—。—
🍥 带子 +$70
为食嘅我睇住席前师傅系咁烧，忍唔住追加咗带子，厚身大大粒，用咗啲牛油去烧，烧完超金黄，香脆冇得顶，肉质keep到非常爽口，味道鲜甜，再带微微焦香，冇加错
< 5/5 >
—。—
🍞 铁板焦糖多士(块) +$10
尼个多士非加不可，因为我觉得都算signature，而且非常好味，只系一面做咗焦糖嘅效果，但极度香脆，咬落系听到声，带少少牛油味，不过建议就唔好望住师傅点整，因为会睇到佢落几多糖先做到咁好味嘅成品，但食落又唔会好甜，味道刚好
< 4.5/5 >
—。—
🧋 台式手摇饮品 - 芒椰小丸子配双色芋圆 +$25 (半价)
其实两杯饮品上次都介绍过，COMMA联承嘅，见我饮完再饮返同一杯就知好饮啦，芒果味香浓，小丸子同芋圆都好烟韧
< 4/5 >
-
🥤 台式手摇饮品 - 芋圆乌龙鲜奶茶 +$17 (半价)
清甜嘅乌龙茶配上芋圆简直冇得顶，总之好饮
< 4/5 >
—。—
+ plus 10% service charge
—。—
好味👅：4.5/5
服务💁🏻♀️：5/5
抵食💰：4/5
环境🏖：4/5
张贴
