小火焰韓式咖啡廳 (觀點中心) (已結業)

平时经过见到哩度好多人食野的，今晚唔知系咪因为夜定落雨，见到都好易就会等到位，所以同朋友决定食哩间，哩度好多韩国美食都好吸引，我同朋友都唔想食太辣同太热气既食品，所以决定点烩牛肋准山面(怕辣可以转猪骨汤底)、柚子蜜糖鸡翼炒年糕及芒果窝芙。台面上每枱都有樽水同杯，方便自由湛，准山面好快就到，卖相相当美味，食落面质非常滑流，牛肋一咬就好淋好入味，见到牛肋的汁内仲有些茄子和红萝卜配菜，而个面本身都附有些木耳丝和粟米，另外想食辣，佢有碟泡菜跟埋黎，可自由配搭，而整碗面黎讲我觉得都好够蔬菜，好有营。柚子蜜糖鸡翼炒年糕，份量很多，有成6只大鸡翼，底下仲有好多年糕，原本佢个汁应该系带点辣的，但蜜糖既甜味中和左，所以食落唔算太辣。当我们食完个年糕后，店员帮我地执拾好台面，之后即叫厨房起我们的甜品，我们一边睇住K-Pop的明星又唱又跳一边等，大概过左十分钟左右时间，芒果窝芙便送上，窝芙分左4块，面头有很多芒果粒，中间有个浓郁既牛奶味雪糕，配埋芒果、朱古力酱及粟米片粒粒仲有些cheese cake粒粒，食完之后超饱。哩度食物份量真系算好大份，而且价钱适中，有机会一定要再同朋友去食。