叉燒丼家

营业中

休息中

习惯试新开嘅食店时都会睇吓食评先，点知有一两个食评话差，便专登入店内行一转，睇吓d食客食咩，先再决定试唔试。心谂若果真系好味，便要为佢平反吓😁如果真系好差，便俾意见佢改善。下午时间见到好多食客都会选择招牌菜…… 叉烧蛋丼饭，卖相好靓，心谂无理由唔好食d人都试架😌。揾咗个卡位坐底，因为又未食得落饭，便选咗两个常餐试吓先。叉烧汤通粉 牛乳炒滑蛋配多士叉烧好淋几好味， 但汤底略为淡咗少少。牛乳炒滑蛋好正 👍放喺已切好四件嘅多士面一齐进食一流😋特浓蕃茄汤通粉 肠仔牛乳炒滑蛋配多士果真系特浓蕃茄汤底，又唔会太重茄膏味，有新鲜蕃茄肉几开胃👍本人比较钟意淡味，肠仔就觉得略为咸咗少少。牛乳炒滑蛋配多士好正👍，大家一定要试下好特别嘅无冰涷奶茶，但冷热嘅奶茶，茶味都不是太香，有少少失望。