吉利尼 (已結業)

恒丰中心地库吉利民，行过几次都冇入去试，某日想试点知有工程唔营业。这间小店环境似cafe, 原来有叻沙食。叫咗鸡肉叻沙配热柠茶$66材料有豆腐卜，鸡肉，半只蛋，芽菜。鸡肉好滑，鸡皮爽脆，应该是海南鸡，米线份量唔算多但好弹牙有口感。最赞就系个汤底，好香浓又好味，汤底俾我清晒。柠茶唔知佢用咩茶叶，茶味唔浓但味道几得意。隔离台食紧海南鸡饭，看似好好味，因佢都清晒碟，等我下次试下先。环境清静，只是选择不多。