漁小館 (已結業)

今日约咗老友两公婆一齐去睇美女与野兽,然后就到奥海城附近的食中菜小炒， 行下行下见到呢间招牌几吸引，于是我哋四个决定入去试一试……见到个招牌鸡煲翅几吸引，于是即刻叫咗，另外见到晚饭孖宝又几啱食，所以都叫埋啦…… 而我哋决定唔叫白饭叫埋个蟹肉蒸饭， 四人份量咁就啱啱好啦……先讲晚饭孖宝， 分量不少四个人刚刚好, 粉丝蒸带子好味到不得了,绝不马虎! 带子新鲜,蒜容好香捞饭一绝。 至于云耳杂菌泡菜苗亦都唔错,菜清香鲜甜,汤可以饮两啖,清清哋ok!至于蟹膏蒸饭又系四人份量啱啱好,蒜蓉够多,所以都够香而成只蟹摆落去亦都有蟹肉!!!只不过可能用蒜太多的关系，略嫌少少多油！呢度唯一问题就系上菜次序， 我哋食完饭𩠌后至上个鸡煲次次序有点不合逻辑, 不过见鸡煲翅咁足料咁就原谅佢啦， 祝八両翅又有一只鸡，讲份量真系冇得弹,不过就咸咗少少。