影片
更多
2023-07-10
273 浏览
早两日喺淘大睇完早场，一出戏院鬼死咁肚饿，即刻谂吓食乜好。你知啦，其实淘大都有好多选择得嚟又唔系话真系好多选择，因为好多都系连锁快餐店。咁今次就想拣啲之前未食过嘅，行到去永旺茶餐厅门口，望入去同平时见到嘅茶餐厅装修唔同，再望吓𠮶餐牌，爹哋话竟然有鸳鸯红豆冰，好耐冇饮过，一定要入去试吓。咁坐低做嗌咗份咖喱鱼柳滑蛋盖饭、葱油猪扒饭、一份常餐。两个饭一摆低，卖相非常吸引，仲插咗旗仔😝旧式茶餐厅一定唔会咁摆。咖喱鱼柳滑蛋盖饭，找炒滑蛋非常好食，鱼柳炸得香脆，咖喱唔太辣啱啱好。葱油猪扒饭，葱油味非常香口，不过略嫌猪扒太干，要减少少分。常餐方面拣咗五香肉丁出前一丁，另外配菜可以拣三种，我拣咗炒滑蛋、太阳蛋、肠仔，份量够晒大份，食到饱晒☺️鸳鸯红豆冰，佢会俾支木棍仔同埋粗饮筒你，但系就冇俾长匙羹，「不」唔到啲红豆嚟食，最后爹哋用咗支饭羹嚟食😝佢仲有好多其他嘢食，有机会都可以再试吓～
你知啦，其实淘大都有好多选择得嚟又唔系话真系好多选择，因为好多都系连锁快餐店。
咁今次就想拣啲之前未食过嘅，行到去永旺茶餐厅门口，望入去同平时见到嘅茶餐厅装修唔同，再望吓𠮶餐牌，爹哋话竟然有鸳鸯红豆冰，好耐冇饮过，一定要入去试吓。
咁坐低做嗌咗份咖喱鱼柳滑蛋盖饭、葱油猪扒饭、一份常餐。
两个饭一摆低，卖相非常吸引，仲插咗旗仔😝
旧式茶餐厅一定唔会咁摆。
咖喱鱼柳滑蛋盖饭，找炒滑蛋非常好食，鱼柳炸得香脆，咖喱唔太辣啱啱好。
葱油猪扒饭，葱油味非常香口，不过略嫌猪扒太干，要减少少分。
常餐方面拣咗五香肉丁出前一丁，另外配菜可以拣三种，我拣咗炒滑蛋、太阳蛋、肠仔，份量够晒大份，食到饱晒☺️
鸳鸯红豆冰，佢会俾支木棍仔同埋粗饮筒你，但系就冇俾长匙羹，「不」唔到啲红豆嚟食，最后爹哋用咗支饭羹嚟食😝
佢仲有好多其他嘢食，有机会都可以再试吓～
张贴
