扒王之王 (已結業)

同 5 位朋友睇完<清明上河图>，原先打算去东涌饮茶，有位朋友建议去青衣食下午茶，因为佢买咗机场快线来回优惠 $42，去博览馆一程已经扣除 $42，佢唔想益咗地铁，所以坚持搭机铁，仲叫我哋 5 人陪佢，我哋无人睬佢；结果我哋走去搭巴士！之后，大家再联络。真系无佢付！哈哈！呢间舖环境清幽不在话下，店内人烟稀少，对住个海，真系心情舒畅！青衣城以 marine 为主题，呢度都唔例外！同样以潜艇作装饰！亦有假船员，做得维肖维妙！好像置身海洋馆！估唔到扒王之王嘅下午茶餐，廿几 $ 已经有交易，比我预期抵！不过，要加一！下午茶选择超过二十款，有沙律、汤面、意粉、饭...等等！有位朋友叫咗煎鱼柳配沙律，有两块煎得金黄嘅薄身鱼柳、配上以薯仔、红萝卜、青瓜等切成粒嘅沙律，见佢食得好滋味！而我呢，就叫咗吉列猪扒汤意 $25 + 热好立克 $3吉列猪扒汤意即叫即炸，金黄松脆！肉质美味！加上不少粟米粒及少红萝卜段，不过意粉爽身，食落麻麻地！热好立克已为我加糖，好甜！ 我通常饮好立克系唔加糖，呢度实在多此一举！