影片
2022-12-05
131 浏览
11 Musea商场一直比我嘅感觉系高贵又带点神秘嘅感觉，好想入去探索一下。位于五楼有一间西亚Fusion菜新派餐厅，将马来西亚及日本等亚洲风味融入地中海食谱。餐厅喺商场直入到尾嘅位置，有一个小门口入去。餐厅面积唔大，但一踏入餐厅就被360度电视萤幕吸引住，用餐期间电视上嘅风景会转换，带你环游世界，而餐厅音乐亦花咗小心思，会跟据电视场景转换🎼今次同袁太嚟食，我地叫咗6-course套餐。嚟食之前有略略睇过其他人食评，大约话餐厅唔够人同上菜速度慢，但我哋又唔觉wo，餐厅其实面积唔大，当晚有一至两位侍应，而上菜速度都快，每食完一样已经上另一道菜，我估餐厅有用心聆听意见👍🏻牛肝菌黑松露配水晶面包用一个精致嘅玻璃盒上菜，卖相已经好吸引，牛肝菌配黑松露炒得好香，连脆卜卜面包好好味脆炸鹌鹑脾配西班牙青椒鹌鹑脾炸得刚刚好，肉质juicy，无需配酱汁已经够香口，青椒唔苦连埋鹌鹑脾一齐食几夹日本鲍鱼海胆炒意粉呢个有惊喜，用紫苏叶一齐炒，食落好有镬气，有中西Fusion感觉。鲍鱼切得够薄，连同海胆同意粉一齐食有口感得黎又有鲜味布拉塔芝士沙律配无花果及杏仁呢个沙律我好钟意，用上淡味嘅布拉塔芝士同无花果，配酸
餐厅喺商场直入到尾嘅位置，有一个小门口入去。餐厅面积唔大，但一踏入餐厅就被360度电视萤幕吸引住，用餐期间电视上嘅风景会转换，带你环游世界，而餐厅音乐亦花咗小心思，会跟据电视场景转换🎼
今次同袁太嚟食，我地叫咗6-course套餐。嚟食之前有略略睇过其他人食评，大约话餐厅唔够人同上菜速度慢，但我哋又唔觉wo，餐厅其实面积唔大，当晚有一至两位侍应，而上菜速度都快，每食完一样已经上另一道菜，我估餐厅有用心聆听意见👍🏻
牛肝菌黑松露配水晶面包用一个精致嘅玻璃盒上菜，卖相已经好吸引，牛肝菌配黑松露炒得好香，连脆卜卜面包好好味
脆炸鹌鹑脾配西班牙青椒
鹌鹑脾炸得刚刚好，肉质juicy，无需配酱汁已经够香口，青椒唔苦连埋鹌鹑脾一齐食几夹
日本鲍鱼海胆炒意粉
呢个有惊喜，用紫苏叶一齐炒，食落好有镬气，有中西Fusion感觉。鲍鱼切得够薄，连同海胆同意粉一齐食有口感得黎又有鲜味
布拉塔芝士沙律配无花果及杏仁
呢个沙律我好钟意，用上淡味嘅布拉塔芝士同无花果，配酸甜嘅莓汁沙律酱，连火箭菜一齐食，外面唔系成日食得到嘅好味道
烧龙虾及和牛横隔肌
牛横隔肌点选七分熟，好有肉味亦有咬感，而烧龙虾够香，肉质弹牙
结尾以cheesecake 为甜点，系我喜爱嘅软身版newyork cheesecake ，份量刚刚好。
9 浏览
0 赞好
0 留言
查看之前的留言 ()
张贴
