影片
更多
2021-06-25
4119 浏览
相信大家如果谂起有迪士尼特色既菜式个阵，好多时都会即刻谂起以西餐为主既菜色 - 但其实香港迪士尼响制作有迪士尼元素既中式点心都好有一手架! 今日小编就带大家黎到「梦幻国度」迪士尼乐园隔离，需要乘坐穿梭巴士先去到既晶荷轩!晶荷轩位于香港迪士尼乐园酒店大堂楼层，正门入口转右，响纪念品商店对面就系餐厅既所在地。话明系享用富有迪士尼元素既中菜，又点少得佢地拿手既中式点心呀! (不过千万千万千万要记住，如果想享用迪士尼元素中式点心，就必须最少48小时前预订。大家可以于订枱时叫员工预约电邮点心餐单俾你预订，咁你就保证入座时可以享用到吧!)由于之前疫情比较期间用餐，员工们都严谨既遵守防疫规则，甚至每张枱既距离都分得比较开，以避免需要设置间板而影响餐厅观感。小编与老公就被安排于可以望到园景既位置，一边享用点心一边望住小朋友响米奇图案花圃玩，都算系悠闲既体验呢!今次用餐以迪士尼元素为目标之下，等小编都介绍下自己对唔同中式点心既评价先:1) 米奇煎薄饼($88)：有4件类似薄撑，但比平时酒楼食到较厚身既米奇头形状薄饼。薄饼唔系单纯既面粉浆煎成，而系加入少少葱同椒，令你食个阵味道变化会多点，而配合甜酸汁或X
晶荷轩位于香港迪士尼乐园酒店大堂楼层，正门入口转右，响纪念品商店对面就系餐厅既所在地。话明系享用富有迪士尼元素既中菜，又点少得佢地拿手既中式点心呀!
(不过千万千万千万要记住，如果想享用迪士尼元素中式点心，就必须最少48小时前预订。大家可以于订枱时叫员工预约电邮点心餐单俾你预订，咁你就保证入座时可以享用到吧!)
由于之前疫情比较期间用餐，员工们都严谨既遵守防疫规则，甚至每张枱既距离都分得比较开，以避免需要设置间板而影响餐厅观感。小编与老公就被安排于可以望到园景既位置，一边享用点心一边望住小朋友响米奇图案花圃玩，都算系悠闲既体验呢!
今次用餐以迪士尼元素为目标之下，等小编都介绍下自己对唔同中式点心既评价先:
1) 米奇煎薄饼($88)：有4件类似薄撑，但比平时酒楼食到较厚身既米奇头形状薄饼。薄饼唔系单纯既面粉浆煎成，而系加入少少葱同椒，令你食个阵味道变化会多点，而配合甜酸汁或XO酱食会更令煎个种香味更突出，建议试试。
2) 唐老鸭绿豆蓉包，黛丝鸭崧子红豆蓉包 ($88)(店员有提及呢款点心系期间限定)：自从晶荷轩早几年推出迪士尼朋友 (Character)点心后一直大受欢迎，而Donald & Daisy就系晶荷轩响2021年开始推出既新点心。虽然大家可能觉得佢地个样有少少怪，而眼睛因为豆豉眼既关系而令面部比例有点怪，但内馅绿豆及红豆蓉都系以完全磨碎既蓉为主，食既感觉可以当系平时既红豆包咁，但当然系滑好多既版本啦!
3) 医神海鲜鸡肉包 ($88)：大家有睇医神Baymax呢套戏既话，都会知道医神肥肥而可靠既角色好令人钟意；呢款海鲜鸡肉包既造型就系调转，将Baymax制成头大身细既效果。内馅其实小编唔系太食到海鲜味，反而可以直接以鸡肉包去形容会比较好。
(当大家将医神既点心﹑唐老鸭既点心再几只公仔比较个阵，你就会见到响点心既造型比例上要努力谂下点做得更似喇)4) 迪士尼Duffy & CookieAnn水晶饼 ($88)：冻食既点心。造型上的确好吸引但事实上大家可以当成红豆饼及绿豆饼去享用。与之前Donald & Daisy点心唔同既系呢款水晶饼似芋泥既质地，比较黏身及多粉，所以都会几令人顶肚呢!
5) 迪士尼Duffy椰汁糕 ($78)：推荐点心! 小编响上面所食既点心一直都系又睇得﹑又食得，但今次点款Duffy椰子糕就系可以玩得喇!
上枱时我地都觉得椰汁糕上既样子实在太单调，无理由只系得1只颜色既。所以员工于上枱时会俾支画笔你，方便你利用椰汁糕附近既朱古力酱，画去Duffy既样子去制作成独特既糕点。
(呢个系小编既作品，希望大家睇完都觉得似Duffy啦!)综观而言，以每款点心差唔多要$78-88黎讲，晶荷轩迪士尼点心既价钱的确真系几贵，但小编相信预早订购既主要原因，系点心师傅需要特别制作迪士尼唔同角度既样或造型，都真系要几花时间去逐步制作，所以作为打卡既角度都系算值得既。
张贴
