東京築地拉麵 (已結業)

睇戏前揾个地方填肚，喺戏院附近揾到呢间，见佢哋门口既Menu 都啱食就决定落楼梯入店。可能对于旺角黎讲，星期六下午12点可能都叫时间尚早，入到店除咗我同老公，就未有其他客。坐低待应就放低两杯水同menu，食物选择除咗有一张假日午餐定食既餐牌外，仲会有一份好似报纸既menu。谂完一轮，最后拣咗筑地横町牛丼同绿魅拉面。牛丼系set lunch ，会附送小食同一杯$18以下既饮品，牛丼汁既味道偏咸，d牛肉好碎，反而杯饮品唔错。而绿魅拉面反而有d惊喜，最初怕菠菜鱼汤底会好伏，但味道ok之余，d猪肉都好味，呢个面可以推介。