UA Megabox小食部 (MegaBox) (已結業)

带3只马骝去睇戏，当然唔可以净系睇戏，所以去戏院小食部买小食！柜台装修简洁！汽水爆谷餐！再加一份烧卖（$12）店员好快就整好比我，但一个人点攞2杯中汽水加甜爆谷兼烧卖？如果有一个托盘就好啲！ 爆谷：拣咗甜味，纸筒攞得唔方便，我哋人又多，所以我去问店员，想攞多个纸筒分开两份，不过经理答我纸筒有数，所以比咗个纸袋我！爆谷比较碎，唔够大粒！甜浆包裹住爆谷，甜腻香脆！好味！汽水：拣咗7喜及橙汁汽水！够冻兼味道正常！ 烧卖：热辣辣，因为比小朋友食，所以无落辣椒油！烧卖弹牙，鱼肉哋就无乜！可惜豉油太咸，如果豉油甜少许，会好味啲！店员有礼勤快！