金記客棧 (已結業)

同肥髀啲同学仔去数码港睇戏，之后去医肚，呢间已改名，入到去格局不变，连最入嘅中式嘅卡位都保存埋，因为一行十人，店员比我哋坐房！房内好大，可以放三张中式酒楼大枱，不过冷气超冻，最后熄咗冷气先好啲！豉油王鸡髀薯条：肥髀食，鸡髀唔算大只，色水够，炆得入味，肉质唔嚡，好味，波浪薯条外脆内软，点茄汁好味！Q版西多士鸡翼餐：西多士热辣辣即做，唔算厚，中央花生酱唔多，味道香甜，加上牛油同糖胶，十级邪恶！鸡翼皮脆肉嫩！腌得入味！正！红豆冰：阔口玻璃杯，方便𢳂红豆，红豆大粒炆得透！而且份量多！冰块唔算太大，不过如果冰碎会更正！花奶唔太甜！捞埋好味！支装忌廉：肥髀饮，特别喜欢玻璃瓶装，有风味啲！叉烧烧鹅河粉：朋友食叉烧濑粉：朋友食迷你叉烧煎蛋饭：朋友食招牌鲜猪润通粉：朋友食火腿奄列多士：朋友食冻柠茶：朋友饮冻奶茶：朋友饮店员有礼有笑容，小朋友多特别麻烦，攞碗攞工具都无黑面！好包容！睇戏医肚嘅选择