金記冰室 (創紀之城五期(apm)) (已結業)

今朝本身约咗女朋友食早餐 但系迟咗起身 咁就是旦入咗呢间餐厅食🤤 谂住食完过去隔离间戏院睇戏 因为就嚟开场 所以担心会唔会食唔切😣😣入到去侍应就安排咗我地坐窗口卡位 我女朋友有啲怕晒 但系好彩有窗帘 所以都坐得几舒服 唔算好热😛我地拣咗食沙嗲牛肉公仔面配多士煎双蛋同仿鲍丝火腿通粉 一样配多士煎双蛋 加热奶茶同热柠茶 份量适中 都几饱👍 唔会好快就肚饿 沙嗲牛肉面个沙嗲味唔算好浓 都算系不过不失啦 牛肉唔un 呢点好抵赞🤩火腿通粉就正正常常啦 啲仿鲍丝切啲几幼 好易咬 手工加分🤭饮品唔系太特别 但系有杯靓奶茶就系good morning 杯奶茶好好饮 入口几滑又唔涩 饮完睇早场都唔眼训 😗重点系上餐速度几快 好啱打工仔食 更加啱我呢啲睇早场又迟起身嘅人食 下次再去apm睇早场 一定会再帮衬😋😋