Bellevue Bar and Grill (已結業)

今日再次黎到旺角食饭，去到呢间Bellevue食晏，侍应安排我地去窗边入座，落地玻璃望出去就系弥敦道，成个旺角景望哂，咁阔既景观之下食饭，真系食得开心啲。我地叫左两个set lunch，两个main分别系炭烧安格斯牛柳配青胡椒汁，慢煮猪腩肉野菌意大利饭。先上碟既系头盆既慢煮八爪鱼伴温室青瓜，八爪鱼鲜甜，配埋青瓜同其他沙律，为午餐揭开序幕，餐汤方面系甘笋姜忌廉汤，初时都惊会味道太重，饮左第一啖之后就改观了，两种蔬菜既味道出奇地同忌廉汤好夹。先讲下意大利饭，侍应已事先讲明会系比较硬，问我地需唔需要煮软身啲，我地就拣左唔需要，食落虽然硬硬地，不过唔错，配埋菇类同埋薄薄既猪腩肉真系好好味最后就系炭烧牛柳，系一件厚身既牛柳，我地拣左3成熟，味道真系唔错，加埋薯蓉好creamy。最后就系甜品布朗尼，甜度恰到好处，好满足。