元札幌拉麵 (宇晴軒商場) (已結業)

话说去开荔枝角想揾野食，开openrice 睇下见呢间咁少负评，直觉唔好食都应该唔会差得去边，稳阵起见都系见两碗面试水温。两碗面皂水味都好重，我会形容呢啲叫港式日本拉面，当然唔少得港式拉面常见配置既粟米粒，去到呢度都知已经衰左。地狱拉面，辣就系辣，但感觉系师傅唔小心甩左个盖倒多左辣椒粉果种辣，可以形容为味精辣，质感味道都无深度可言，感觉上三哥果种辣还比佢优胜，其他方面无咩值得评论。另一碗Ankake拉面，英文叫Sticky soup ramen，店员同我讲其实系酱油拉面，仲煞有介事同我讲个面已经「改良咗」无咁杰。黎到果然无呃我，真系唔杰，真系一碗港式酱油拉面，然而我真系唔知边一忽sticky。食拉面唔好食我大可当自己去左揾三哥，但两碗面开价七十几蚊碗，其实都几离谱，基本上去foodcourt俾四十几蚊都系呢啲质素。