影片
更多
2020-06-27
3008 浏览
志魂 - 东京寿司店鮨吉武(鮨よしたけ)海外嘅第一家分店，现时香港唯一米芝连三星日本餐厅！东京鮨吉武由2012 年起一直系米芝莲三星评级。志魂2012年香港开业时叫Sushi Yoshitake，由鮨吉武创办人兼主厨吉武正博师傅 (Masahiro Yoshitake) 亲自统筹开店。2013 年改名志魂，香港行政总厨柿沼利治(Yoshiharu Kakinuma)来香港前跟随吉武正博学习多年。睇牌头点都要去食一次嘅！菜单，Sorry，冇得拣，讲真，食Omakase如果你唔信师傅，咁不如唔好去！订6点，5:45到，Carol 姐话准备中，即系唔入得去，行过去Amber 揾Vincent 哥同Join 哥哥吹水，最近Amber 有Special offer 买一送一，爆晒埸！连Amber 都要做promotion 就知疫情对餐饮业影响有几大！准时6点入去坐低，Kakinuma San 已经好忙咁准备紧，Carol 姐问想要茶定水，我话要Sake😝 志魂酒单选择多，同朋友想试多几款，见佢 180ml (一合) 选择好多， 就请Carol 帮我哋做埋Sake pairing。今晚菜单：前菜日
菜单，Sorry，冇得拣，讲真，食Omakase如果你唔信师傅，咁不如唔好去！订6点，5:45到，Carol 姐话准备中，即系唔入得去，行过去Amber 揾Vincent 哥同Join 哥哥吹水，最近Amber 有Special offer 买一送一，爆晒埸！连Amber 都要做promotion 就知疫情对餐饮业影响有几大！
准时6点入去坐低，Kakinuma San 已经好忙咁准备紧，Carol 姐问想要茶定水，我话要Sake😝 志魂酒单选择多，同朋友想试多几款，见佢 180ml (一合) 选择好多， 就请Carol 帮我哋做埋Sake pairing。今晚菜单：
前菜
日本莼菜配海胆及番茄水晶啫喱
季节白身鱼(右口鱼)
沙甸鱼卷
濑尿虾
日式八爪鱼
日式蒸鲍鱼配鲍鱼肝酱
汁烧鳗鱼
Suishi
鱿鱼
金目鲷
Akmai
O-Toro
Kohada
Aji
双色海胆
虎虾
海鳗卷
玉子烧
最后味噌汤
Sake
伯乐星纯米吟酿
泽屋守破离纯米酒
日高见纯米吟酿
百十郎大辛口纯米
十四代Black Label
正常都应该一定够食，所以我同Kakinuma San 讲追加O-Toro同吞拿手卷嘅时候都有啲唔好意思😝 全个菜单都好得，招牌八爪鱼真系名不虚传，问柿沼 San 先知八爪鱼要腌45分钟，再按摩一个钟令肉质变软，再慢煮一个钟，好味，系有原因嘅！清酒蒸鲍鱼就用清酒蒸4-5小时，之后切出中间最嫩嘅部分再慢煮，配鲍鱼肝做嘅酱汁，一啖食落去果种味道层次同回甘喺口入面打转！
寿司比较喜欢金目鲷，Akmai 同O-Toro，红身鱼都经过熟成，腌制，除筋，入口真系不一样，有独特口感同风味。双色海胆有创意好味但份量偏少。比较失望未有白子菜式。
志魂每晚两场，第一场正路8点要走俾时间师傅同员工准备8:30第二场，但Carol 同 Kakinuma San 都同我哋倾到8:15， 最后来一合十四代Black Label 同大家干杯以感谢大家嘅招待。
晚市Omakase 每位HK$3,500，我哋又追加又Sake，两位万二埋单，值唔值见人见智，如果同1881 The Araki 比较，我会拣志魂！
张贴