指月 (已結業)

呢间新开餐厅一开始经过唔知佢系食啲乜嘢，装修木系简单风格，好有日式格局嘅木枱櫈。睇个名都睇唔出系食乜，攞起餐牌就见到系主打牛腩牛杂面，$62一碗牛杂面以旺角区嚟讲价钱都唔贵，但系识落就知咩料啦。除咗牛杂粉面之外，餐厅仲有其他中式嘅菜式例如系炒牛河，炒米粉，扬州炒饭。我叫咗一碗五香牛杂跟新竹米粉，虽然等咗25分钟先有得食，个汤饮落冇乜味精，牛杂系大大件乜都有，不过就似系斩D头头尾尾加落去。牛杂煮得都淋，但系肠同肚嘅部份连埋咗好大旧脂肪，就咁喺张相度都见到碗中间有一旧白色嘅肥膏好油食唔到！个人唔太钟意太油腻，同埋唔算好食，加上又等得耐，所以成个感觉麻麻地。