生記粥麵 (已結業)

如果呢间舖嘅规矩系收银唔落外卖单，就应该喺当眼位置大大只字写明，收银阿姐𠮶种恶劣嘅态度真系令人叹为观止，第一次帮衬买外卖，正常人都会去收银落单，同佢讲咗两声唔该都完全唔应你，跟住眼尾都唔望你一眼黑口黑面咁指住个侍应讲一句：「阿姐落单。」，大佬，你唔讲，我会知你唔落单嘅咩？望住人讲嘢同找钱找落人只手好基本礼貌啫，收钱你又识伸手同人拎？到找钱又掉喺张枱度？仲要全程望都唔望你一眼先好嘢，啲粥都只系不过不失，我做咩仲要受气？呢间嘢，服务应该连一粒星都无，不可一不可再。