影片
更多
2023-05-18
83 浏览
新潮楼相信大家去九展大多数都系睇演唱会多，而九展入面嘅餐厅选择其实唔多，开骚前除咗同纸板偶像合照之外，医定肚一定系指定动作，因为睇演唱会除咗用眼睇仲要用口尖，全身旭动，举下灯牌或挥动萤光棒，体力透支一定劲多，所以开骚前约埋一班歌迷一齐食野就最啱啦！今日我介绍呢间「新潮楼」喺九展3楼，系一间有质素嘅潮州酒家，入面好大好宽落，轮椅人士入去食都无问题，枱与枱之间唔挤迫，点心又好味，值得推介比大家！1.午市二人套餐D $158（9/10）呢个套餐入面有点心拼盘、鱼香茄子煲同星洲炒米，点心拼盘有2旧蟹籽烧卖、2旧鱼翅饺同2旧杂菌上素饺。鱼香茄子煲好香，茄子份量多，加咗肉碎同少少辣椒，食落去系微辣。星洲炒米份量都好多， 入面有芽菜、洋葱，葱、红椒、青椒、虾仁同叉烧， 叉烧唔韧，虾仁好爽口， 叉烧同虾仁份量算多，叉烧仲系切幼条状，呢碟星洲炒米无出面咁油，好好味，劲抵食！2.水晶虾饺皇$48（10/10）呢笼虾饺有4旧虾饺，虾饺皮薄虾爽口，入面d虾系超级多，一咬入面d爽口虾系满泻，劲正好味！3.蒜香虾春卷$38（10/10）呢个春卷入面除咗充满蒜香味，仲有入面d系切碎咗嘅虾，唔系切到变虾胶，系有咬口嘅
相信大家去九展大多数都系睇演唱会多，而九展入面嘅餐厅选择其实唔多，开骚前除咗同纸板偶像合照之外，医定肚一定系指定动作，因为睇演唱会除咗用眼睇仲要用口尖，全身旭动，举下灯牌或挥动萤光棒，体力透支一定劲多，所以开骚前约埋一班歌迷一齐食野就最啱啦！
今日我介绍呢间「新潮楼」喺九展3楼，系一间有质素嘅潮州酒家，入面好大好宽落，轮椅人士入去食都无问题，枱与枱之间唔挤迫，点心又好味，值得推介比大家！
1.午市二人套餐D $158（9/10）
呢个套餐入面有点心拼盘、鱼香茄子煲同星洲炒米，点心拼盘有2旧蟹籽烧卖、2旧鱼翅饺同2旧杂菌上素饺。
鱼香茄子煲好香，茄子份量多，加咗肉碎同少少辣椒，食落去系微辣。
星洲炒米份量都好多， 入面有芽菜、洋葱，葱、红椒、青椒、虾仁同叉烧， 叉烧唔韧，虾仁好爽口， 叉烧同虾仁份量算多，叉烧仲系切幼条状，呢碟星洲炒米无出面咁油，好好味，劲抵食！
2.水晶虾饺皇$48（10/10）
呢笼虾饺有4旧虾饺，虾饺皮薄虾爽口，入面d虾系超级多，一咬入面d爽口虾系满泻，劲正好味！
3.蒜香虾春卷$38（10/10）
呢个春卷入面除咗充满蒜香味，仲有入面d系切碎咗嘅虾，唔系切到变虾胶，系有咬口嘅虾粒，一样好爽口，其他酒楼嘅春卷馅大多数一半系空心，呢度就放满哂切碎咗嘅虾粒，好香好脆好好味！
4.豉汁蒸凤爪$38（8/10）
味道同其他酒楼差唔多，但份量算多，大约6-8旧凤爪！
5.山竹牛肉球$38（10/10）
呢个山竹牛肉球同其他酒楼好唔同，其他酒楼个牛肉球好胶，而呢度牛肉球食得出占牛肉比例相对多，牛肉球弹牙，入面仲有马蹄、葱同芫茜，出面酒楼相对好少加入马蹄，加咗马蹄令到牛肉球有咬口，「索索声」好似返到去以前嘅酒楼咁，充满以前酒楼嘅回忆！
6.带子肠粉$58（10/10）
呢个带子肠粉好少有，一碟有3条肠粉，每条肠粉大约有1.5粒带子，带子份量相当多，肠粉皮又薄身，好好味！
7.金沙炸鱼皮$68（9/10）
呢碟炸鱼皮充满咸蛋香，好脆好香口，每旧鱼皮又大旧，劲好味！
8.紫米露$免费（9/10）
最后送两碗紫米露糖水比我哋饮，好饮唔甜！
2人总共价钱$510，茶位$24，有加一服务费！
个人口味总评分：9.375/10
@crown_sky_hk
地址：九龙湾展贸径1号国际展览中心3楼319-329号舖
Please follow me🙆♂️ @wheelchaireatinhongkong
如果钟意我嘅分享，麻烦请follow我，仲有记得Like同Share！🙏🏻🙇🏻♂️
#新潮楼 #九龙湾美食 #九龙湾好去处 #香港探店 #相机食先 #hkfoodie #hkfoodblogger #hkfoodpic #hkfoods #hkfoodshare #dessert #hkdessertshop #food #hkfoodstagram #hkfoodpic #hkigfood #foodiehk #yummy #delicious #foodie #hkfoodieblogger #hkfoodies #wheelchaireatinhongkong
张贴
