影片
更多
2023-03-03
1852 浏览
好味指数😋😋😋😋回头指数 ⭐️⭐️⭐️开心指数🤗🤗🤗朋友订咗呢间食晚饭，睇到网上嘅相，见到装饰都几特别，睇其他人写嘅，定食$1xx-$2xx，增量系$5xx。去到坐低店员讲，晚餐系呢两页，叫甜品同饮品有9折。望一望呢两页，一页系石垣岛冲绳草饲黑毛和牛，另一页系鹿儿岛九洲谷饲黑毛和牛，depends on 煮法同牛，个range 系 100g $339-$348，130g $408-$428，200g $588-$598，晚餐最低消费系每人一款定食。因为懒得谂，亦都唔怕肥，直接叫咗两款店推介嘅款式。🍴火炙半熟烧肉 • 冲绳草饲黑毛和牛石垣牛烧肉定食（$598/200g）呢个系极上A5 最肥美嘅部位，非常多油脂，火炙到半熟，咬落去非常爽，牛味香浓又有油花味，好正！定食另跟一个醋汁，沾咗之后嘅酸味令牛肉带清新感。因为呢款牛嘅油脂非常丰富，叫大盛（200g）店会加配多一碗饭同酱油，等客人可以牛油捞饭，不过其实我哋都食唔到咁多饭，冇要到。定食另跟一个汤、前菜渍物系番茄，副菜系薯仔沙律。餐牌上面，写明「只用雌牛，不选用去势牛」，要标榜呢样嘢，翻查过资料，因为雌牛脂肪融点低，纤维细，口感更加细致，去势牛体
回头指数 ⭐️⭐️⭐️
开心指数🤗🤗🤗
朋友订咗呢间食晚饭，睇到网上嘅相，见到装饰都几特别，睇其他人写嘅，定食$1xx-$2xx，增量系$5xx。去到坐低店员讲，晚餐系呢两页，叫甜品同饮品有9折。
望一望呢两页，一页系石垣岛冲绳草饲黑毛和牛，另一页系鹿儿岛九洲谷饲黑毛和牛，depends on 煮法同牛，个range 系 100g $339-$348，130g $408-$428，200g $588-$598，晚餐最低消费系每人一款定食。因为懒得谂，亦都唔怕肥，直接叫咗两款店推介嘅款式。
🍴火炙半熟烧肉 • 冲绳草饲黑毛和牛石垣牛烧肉定食（$598/200g）
呢个系极上A5 最肥美嘅部位，非常多油脂，火炙到半熟，咬落去非常爽，牛味香浓又有油花味，好正！定食另跟一个醋汁，沾咗之后嘅酸味令牛肉带清新感。因为呢款牛嘅油脂非常丰富，叫大盛（200g）店会加配多一碗饭同酱油，等客人可以牛油捞饭，不过其实我哋都食唔到咁多饭，冇要到。定食另跟一个汤、前菜渍物系番茄，副菜系薯仔沙律。
餐牌上面，写明「只用雌牛，不选用去势牛」，要标榜呢样嘢，翻查过资料，因为雌牛脂肪融点低，纤维细，口感更加细致，去势牛体积比较大而肉质会比雌牛硬。
火炙半熟烧肉 • 冲绳草饲黑毛和牛石垣牛烧肉定食
$598
49 浏览
0 赞好
0 留言
🍴酱烧沙朗大切 • 九洲谷饲黑毛和牛鹿儿岛和牛烧肉定食（$598/200g)
呢款嚟到嘅时候，因为酱烧关系，明显见到比较深色，一啖咬落去，口感相对石垣牛有咬口，但都非常软身，酱汁味都几浓，几惹味，好味！不过酱汁嘅味道有少少掩盖咗牛嘅味道，越食会越觉得咸！定食都有跟一个汤、前菜渍物系南瓜，副菜都系薯仔沙律。
餐牌上面，有写系A5 11级，又上网睇吓，11嘅意思系BMS（Beef Marbling Standard）油花分布状况，最高级别系12，所以佢哋都系 highlight 自己用优质食材！
酱烧沙朗大切 • 九洲谷饲黑毛和牛鹿儿岛和牛烧肉定食
$598
32 浏览
0 赞好
0 留言
两者比较，价钱一样，我会比较钟意火炙做法，因为食到牛嘅味道，而酱烧太浓味，味道上抢过咗牛嘅味道。
🍴黑摩卡（$65）
呢个系特浓朱古力咖啡，因为见到佢写系引以为傲嘅招牌之一，所以点咗嚟试，上面有一层手打忌廉，朱古力好滑，咖啡味比较难揾到，okay 好味又未至于好出色。
黑摩卡
$65
19 浏览
1 赞好
0 留言
🍴手冲咖啡（$68）
呢个系朋友叫嘅，今次饮到嘅系属于比较酸味嘅咖啡。
手冲咖啡
$68
19 浏览
1 赞好
0 留言
餐厅嘅装饰系几 fusion 嘅，特别得嚟有少少混乱，有好 vintage 嘅、又有一D 星球、又有荷兰木鞋日本鲤鱼旗欧洲军服相旧报纸旧玩具。。。
其实食完呢餐感觉系有D 矛盾，食物系好食嘅，和牛质素唔错，而200g A5和牛收呢个价钱，又可以叫系正常嘅，只系冇预期响呢间店食晚饭，2个人要接近$1500，仲要只收现金！当然唔食大盛咪平D 啰，但系100g 同130g 嘅性价比仲低。。。坐低先发现，网上见到嘅餐牌都系午餐嘅。。。晚餐选择比较少，但另一方面可以形容为比较精。。。好食，但以呢个地区、呢个服务、食和牛定食，又好似贵咗少少。。。总之应该系冇预期过咁嘅价位，又冇咩得拣，所以感觉有D 矛盾！
同时未系好肯定，呢间店跟之前同位置＆旺角嘅呼吸咖啡茶馆系咪同一个老板，而突然间嘅呢种upgrade（强调优质食材＆高价钱），感觉彷佛怪怪的，anyways 呢个只系我嘅感受，如果系嚟食晚餐嘅，要有少少预算啰～
☆ follow my IG @tracyloveliving ☆
张贴
