J's Bar Bistro (已結業)

贵嘅tea食过，平嘅tea食过，但讲到真系用料矜贵嘅tea，就要数今次呢间J's Bar Bistro 喇，鱼子酱都出动埋，成本都几高。佢新推出嘅Pink Lady下午茶用童话做主题，粉红控见到实尖叫，佢仲有齐南瓜车、玻璃鞋，极美，令我都有做一日公主嘅感觉 (返屋企又阿四喇）哈～一个层架唔系向高空发展嘅High Tea Set, 做到嘅气势同气氛都咁澎湃，影相仲劲靓，真系好难得！朋友倾开，原来J's Bar做下午茶年资唔算太耐，但每次出品都极靓，食落真系冇失望，佢仲玩埋喷烟元素，刺激视觉，环境又有class。2人价钱$498 +10%，星期一至日都有，不过想食记得要book位。