陶源酒家 (已結業)

已经有一段时候无到ISquare高楼餐厅食饭，今次同朋友食饭，选择左呢间质素相当高嘅中餐，仲有璀璨夜景相伴添~~先黎几碟小食开开胃，素鹅炸得外层金黄酥脆，但一啲油腻嘅感觉都无，而内里馅料丰富，菇粒有咬口，诚意度十足。而冰烧三层肉卖相精致，味道亦甚具层次，烧肉皮香脆，而肉质细嫩软滑; 而冷盘沙姜冻猪手，沙姜味道适中，猪手肉质晶莹，口感弹牙，亦系一道具质素嘅前菜小食。吉品佛跳墙系今晚嘅主角，完盅炖好上枱，必然是热辣辣，先品尝一啖热汤，味道浓郁而够清，感觉已经满足。再睇睇盅中嘅真材实料，辽参、花胶、吉品鲍、鱼翅通通有齐，简直就系矜贵丰富而名贵，难怪呢个佛跳墙系咁出名。佛跳墙之后叫左两道小菜试试厨师嘅手势，翡翠炒鲜鲍片炒得甚具获气，样样食材炒得爽口，亦食得到鲍片弹牙嘅口感同应有嘅鲜味，确实不错;而黄金蟹肉煎酿带子，带子先经过走油香煎，然后再加上蟹肉一齐炒，完美呈现海鲜应有嘅鲜味。