影片
更多
2018-11-13
517 浏览
适逢朋友生日，几位好友得以聚埋一齐帮佢庆祝，美酒佳肴自然少不免。朋友话想食精致嘅中菜， 但系又要环境靓 ，又要够静可以畀人倾计， 真系谂到有少少头痕。几经搜索之下，发现呢一间中华汇馆有不少好评，决定一试。位置座落喺陆羽茶室嘅对面 ， 非常易揾，净系门口都感觉非常有气派。入到入面嘅环境都好高贵典雅， 环境非常舒服清净， 正可以同朋友倾计，品尝美食。等朋友嘅期间先来一道话梅南瓜， 南瓜咬落软硬适中，煮得刚好，而且酸酸甜甜，有话梅嘅香味，亦有南瓜嘅甜味，作为开胃小食几好。朋友来到就点左一道麻辣口水鸡， 厨师将鸡肉起骨切丝，再混合辣油及花生， 辣得来几过瘾，而且辣椒整得非常香口，辛辣刺激之余，鸡肉亦保持嫩滑， 对于嗜辣嘅我而言，非常唔错。而呢一道脆炸九肚鱼， 亦都系水准之作，炸浆非常之薄， 食落没有油腻感觉，而且酥脆香嫩，外层脆皮包裹著鲜味嘅九肚鱼，一脆一滑形成对比，再加上蒜香作伴， 真系欲罢不能。朋友更加忍唔住口，一个人食咗半碟，真是可恶至极！至于呢一味就系水煮星斑球， 以石锅盛载著，上枱时仍然保持温度，不断冒烟， 虽然系水煮嘅做法，但系并冇遮盖咗东星斑嘅味道。鱼肉食落非常嫩滑鲜甜，肉质结实
几经搜索之下，发现呢一间中华汇馆有不少好评，决定一试。
位置座落喺陆羽茶室嘅对面 ， 非常易揾，净系门口都感觉非常有气派。
入到入面嘅环境都好高贵典雅， 环境非常舒服清净， 正可以同朋友倾计，品尝美食。
等朋友嘅期间先来一道话梅南瓜， 南瓜咬落软硬适中，煮得刚好，而且酸酸甜甜，有话梅嘅香味，亦有南瓜嘅甜味，作为开胃小食几好。
朋友来到就点左一道麻辣口水鸡， 厨师将鸡肉起骨切丝，再混合辣油及花生， 辣得来几过瘾，而且辣椒整得非常香口，辛辣刺激之余，鸡肉亦保持嫩滑， 对于嗜辣嘅我而言，非常唔错。
而呢一道脆炸九肚鱼， 亦都系水准之作，炸浆非常之薄， 食落没有油腻感觉，而且酥脆香嫩，外层脆皮包裹著鲜味嘅九肚鱼，一脆一滑形成对比，再加上蒜香作伴， 真系欲罢不能。
朋友更加忍唔住口，一个人食咗半碟，真是可恶至极！
至于呢一味就系水煮星斑球， 以石锅盛载著，上枱时仍然保持温度，不断冒烟， 虽然系水煮嘅做法，但系并冇遮盖咗东星斑嘅味道。
鱼肉食落非常嫩滑鲜甜，肉质结实，微辣嘅味道更能带出鱼肉嘅鲜味。
而底下既芽菜同薯粉就比较吸味，加上汤底又唔小花椒，入口带有鲜麻椒香。
至于话梅猪手则系朋友举手盛赞嘅菜式， 猪手炆得入口即溶， 猪皮猪肉化成一体，口感绵滑。 食落满满嘅骨胶原，感觉非常幸福，而且话梅嘅味道好香， 带有微酸甜嘅酱汁连同猪手嘅骨胶原一齐浆住嘴唇， 令人食到舐舐脷。
虽然食到半饱，但作为今餐嘅主角八宝鸭，一出场已经令人惊喜期待。
无他嘅，因为八宝鸭真系唔多地方有得食， 始终功夫繁复，而且好考师傅手势， 有卖呢一道菜嘅菜馆已经买少见少，估唔到呢一间咁现代嘅中菜馆，居然有卖呢啲咁传统咁大气嘅菜式， 绝对不得不试。
侍应先帮我哋分好菜， 先每人一份，再将余下嘅鸭另上。
八宝鸭顾名思义内里有八种嘅材料，主要有莲子、咸蛋黄、薏仁、冬菇等， 将材料切碎，再酿入去骨嘅鸭入面。
鸭肉蒸煮过后再淋上酱汁， 吸收晒入面食材嘅味道，外面嘅鸭肉肉质软滑， 再加埋入面咸蛋黄嘅甘香，莲子嘅甜， 冬菇嘅鲜， 实在系大满足。
而最后出场嘅金贝鸡米炒粉丝， 亦都冇令人失望 ，粉丝炒得干身而有镬气， 加上炸过嘅瑶柱同鸡米， 非常香口， 就算食饱咗，都不禁令人添多几碗。
作为中环嘅高级中菜馆，呢度嘅食物水准绝对冇令人失望，以四个人埋单二千蚊有找，食物水平同价钱成正比， 价钱亦都唔算太贵，但就可以享受到 传统而精致嘅中菜， 非常唔错。
张贴
