海港薈

营业中

休息中

放假同屋企人去到北京道一号嘅海港荟饮茶， 见酒楼嘅装修好适合做婚宴嘅场地， 而且仲有维多利亚海港嘅海景。黑金流沙包卖相突出， 搣开一半奶黄做到流沙嘅效果， 甜度适中，唔会过甜。 西班牙黑毛猪叉烧包黑毛猪叉烧包嘅肉质松软， 叉烧酱够入味。韭黄鲜虾肠肠粉嘅皮都做得几滑口， 韭黄嘅香味都几出 ，虾肉爽口弹牙。翡翠笋虾饺皇虾饺皇够大粒， 翡翠笋和虾肉嘅配搭都几夹。原只鲍鱼烧卖皇配上鲍鱼，烧卖嘅卖相当堂升级咗， 味道甘香丰富。松露野菌饺用咗什菌嚟做馅料嘅饺， 里面加咗黑松露嚟调味， 几有fusion嘅感觉。澳洲带子凤眼饺凤眼饺用咗虾和韭菜嚟做馅料。鲍鱼生炒糯米饭百零蚊嘅价钱有三只都算几大只嘅鲍鱼铺面， 都算几抵， 糯米饭炒到粒粒分明， 唔会炒到好干身， 保持到湿润， 将腊味嘅味道炒晒落饭里面， 我个人好钟意呢个炒糯米饭。