大榮華圍村菜 (已結業)

今晚，又有朋友生日饭局。我地一行1O人去嘅系一位好出名嘅食家'肥滔'做生招牌嘅酒楼。可能因为平日嘅关系，所以酒楼唔算多人。不过多客人都与我地无关，因已一早订房同写菜餐。每间房最低消费是3500蚊。食物方便……半肥瘦叉烧 拼烧肉， 叉烧大大嚿，一嚿起两嚿止， 第三嚿已经觉得肥腻得滞啦。烧腩好脆，够香口。蒜香焗金虾，虾太细食，蒜香汁惹味。鲍鱼鹅掌， 一人有一只鲍鱼， 生菜垫底，可惜鹅掌炆得太淋，欠口。蛇羹，大窝，每人至小1碗半，够蛇肉 及待应会送上源源不绝的薄脆。虾子柚皮，柚皮唔够味，炆唔淋，稍为差咗少少。粟米斑块， 够多粟米汁， 斑块新鲜脆口， 冇骨，老少咸宜。 炸子鸡，冇特别、冇惊喜、同平时酒楼食嘅差唔多。 油盐煮菜心，大碟到吓亲我地， 估唔到中间既粉丝入晒未， 有意外惊喜。跟住再有糯米饭，估计不是生炒的，味道一般啦。由于朋友太喜欢食甜品， 所以叫了三款不同的。寿包，不是莲蓉馅是紫薯的，啱哂唔食莲蓉既我。千层马拉糕，好软熟，热辣辣，超得。白莲蓉焗布甸，唔太甜，好多白莲蓉。