影片
更多
2009-07-06
21 浏览
咁大个女第一次食俄罗斯菜, 未食之前都有d担心会唔会唔o岩口味呢? 讲真丫食得呢d咁有特色o既餐厅都唔会话平得去边, 所以都希望系o岩食。其实喺得呢d旺区开, 我都应该有d信心, 如果唔系香港人都接受到, 我谂都应该顶唔住的, 而事实上我都无估错, 因为食完之后我系觉得好食之余, 呢度仲系一个好好o既聚脚地。来到睇到个餐牌, 开头都有少少唔开心, 因为大多数都系牛同羊, 而我就系唔食牛又唔食羊o既人, 所以有少少...... 失望, 睇睇吓都仲有其他选择, 所以我都只系失望咗2秒咁大把啫原来正宗俄罗斯汤系有牛肉的, 所以我点了鲜柠水榄汤, 酸酸o地几得意, 完全系另类o既感觉! 而上菜o既时间就真系需时, 适合唔系好肚饿/想倾计o既朋友去食。面包系自家制作, 非常之有心思, 而我o地有咩款式o既面包食呢就睇当日有咩食材新鲜了, 当日我o地食o既面包入面o个d 系薯蓉o黎o架! 主菜真系强烈推介, 平时唔多钟意食鱼o既我, 对于呢个三文鱼扒真在系爱不释"口" 呀!!!! 完全保留到肉汁同鲜味, 跟其他煮到"干争争"o既三文鱼扒真系天壤之别。 另外烧鸡就仲好味, 好味在食完之后个口仲有好香
其实喺得呢d旺区开, 我都应该有d信心, 如果唔系香港人都接受到, 我谂都应该顶唔住的, 而事实上我都无估错, 因为食完之后我系觉得好食之余, 呢度仲系一个好好o既聚脚地。
来到睇到个餐牌, 开头都有少少唔开心, 因为大多数都系牛同羊, 而我就系唔食牛又唔食羊o既人, 所以有少少...... 失望, 睇睇吓都仲有其他选择, 所以我都只系失望咗2秒咁大把啫
原来正宗俄罗斯汤系有牛肉的, 所以我点了鲜柠水榄汤, 酸酸o地几得意, 完全系另类o既感觉! 而上菜o既时间就真系需时, 适合唔系好肚饿/想倾计o既朋友去食。
面包系自家制作, 非常之有心思, 而我o地有咩款式o既面包食呢就睇当日有咩食材新鲜了, 当日我o地食o既面包入面o个d 系薯蓉o黎o架!
主菜真系强烈推介, 平时唔多钟意食鱼o既我, 对于呢个三文鱼扒真在系爱不释"口" 呀!!!! 完全保留到肉汁同鲜味, 跟其他煮到"干争争"o既三文鱼扒真系天壤之别。 另外烧鸡就仲好味, 好味在食完之后个口仲有好香o既洋葱味, 自问唔系一个爱吃洋葱的人, 不过如果你食完之后就会明白我讲紧d咩。
我o地3个女仔去食晚餐当然就少不了甜品啦~~~ 完全唔知点"选择"一于全部都order啦 !!
Russian Sweet Potato 就系食落个质感劲似食紧蕃薯, 我谂个菜名因此而来吧~~~(其实呢个cake 系朱古力味的) 另外, 本人推介就系蜜糖蛋糕, 我觉得呢个系去到必食o既一样o野, 真系食到新鲜o既蜜糖味o架!!!!!
我谂我下次会再去, 因为个环境真系几舒服, 同埋唔算好多人, 同三五知己倾计食饭真系一流!!!
张贴
