影片
更多
2012-05-24
88 浏览
依个周末遇正短周唔使返工，舅仔又咁啱都唔使，老婆同姨仔周六例休，难得大家依朝无细艺，就一齐行远少少过嚟稻坊饮啖茶，食个包。都差唔多成10点，等位唔多人，等咗一阵就有位。个场都装修得几靓㖞，天花一列水晶灯，亮丽但唔俗套；近窗系一排卡位，感觉较为阔落光猛，场中就稍为逼啲，全部枱凳都系一张紧贴另一张。点心纸分为炸点、蒸点、粥点、肠点、饭点、甜点……，大部份以大中小点计价钱，至于大中小点咩价，在于你晌边个日子、边个时段帮衬；不过，有啲又标明价钱，而且，仲有一张纸仔「时尚点心」，有晒价钱之余，仲图文并茂添；当然，唔少得一啲优惠美点，价钱会更抵啲。拿住堆点心纸，轮流拣几款点心，剔吓剔吓就咁剔咗成10样嘢，应该都差唔多，唔够再补单。鲜虾炸油角个名唔系好记得，不过，外貌跟过农历年时食嘅油角一样，角边扭晒花。馅内包裹葱花、虾肉，食起嚟无咁油腻，不过，外皮有啲厚，又唔够脆。酥皮叉烧餐包 $13.8叉烧餐包加咗菠萝包皮嘅版本，上面层菠萝包皮几松脆，包身亦都发得松软，不过，叉烧馅得好少，唔好见佢好似大大个，涨卜卜，查实内里好「真空」。陈皮牛肉肠（大点） 即拉肠粉够热辣，始终好食啲，肠粉皮拉得都够薄，透出牛肉，
都差唔多成10点，等位唔多人，等咗一阵就有位。个场都装修得几靓㖞，天花一列水晶灯，亮丽但唔俗套；近窗系一排卡位，感觉较为阔落光猛，场中就稍为逼啲，全部枱凳都系一张紧贴另一张。
点心纸分为炸点、蒸点、粥点、肠点、饭点、甜点……，大部份以大中小点计价钱，至于大中小点咩价，在于你晌边个日子、边个时段帮衬；不过，有啲又标明价钱，而且，仲有一张纸仔「时尚点心」，有晒价钱之余，仲图文并茂添；当然，唔少得一啲优惠美点，价钱会更抵啲。拿住堆点心纸，轮流拣几款点心，剔吓剔吓就咁剔咗成10样嘢，应该都差唔多，唔够再补单。鲜虾炸油角
个名唔系好记得，不过，外貌跟过农历年时食嘅油角一样，角边扭晒花。馅内包裹葱花、虾肉，食起嚟无咁油腻，不过，外皮有啲厚，又唔够脆。
酥皮叉烧餐包 $13.8叉烧餐包加咗菠萝包皮嘅版本，上面层菠萝包皮几松脆，包身亦都发得松软，不过，叉烧馅得好少，唔好见佢好似大大个，涨卜卜，查实内里好「真空」。
陈皮牛肉肠（大点） 即拉肠粉够热辣，始终好食啲，肠粉皮拉得都够薄，透出牛肉，牛肉系用免治牛，但分布有啲唔平均，兼且陈皮香味唔突出，可谓美中不足。
擂沙紫麦包（中点）紫麦包比人觉得带有健康元素，但系味道唔觉有好大唔同；擂沙令个想起擂沙汤圆，包内嘅芝麻流心好香芝麻味，流心效果都勉强OK，因为有一半唔系好流，变咗芝麻蓉。
酱皇金钱肚（大点）金钱肚炆得好腍，酱汁浓香几惹味，真系想叫个白饭嚟捞架，哈哈！所以，垫底嘅萝卜都唔会走鸡。
娥姐蒸粉果（中点）包得大大粒，但系外皮厚同埋黐牙，就算馅料有几足，都系好影响口感。
京沪小笼包 $14.8小笼包做得不过不失啦，小笼包内注满汤汁，馅肉几鲜，系多咗少少肥肉，而十多折包得算系咁。
蒜香春卷拼咸水角 $13.8好大路嘅油炸点心，好处就系双拼咗，一碟可食到两款嘢。春卷带有少少蒜香，浓啲就仲好，炸得又几脆口，唔错；咸水角，无咩特别，就系大多数人食点心会叫嘅传统。
皮蛋瘦肉粥（小点）当得小点，你都唔好望有好多料，查实又真系可以话无乜料，粥底都绵，只不过皮蛋又好，瘦肉又好，唔多见影，有都碎湿湿得紧要。
砵仔萝卜糕 $12.8个蒸萝卜糕麻麻哋好食，一则萝卜味唔浓，二则个质感有少少削，最衰系里面比较多肥猪肉，屋企人唔太钟意。
食完10笼嘢，大家都觉得差唔多饱，再者食物质素又无话好好，故此都无再加单，饮多啖茶，吹多几句，都埋单走人。因为之前请咗几餐，依餐姨仔话唔好同佢挣，咁多谢晒佢喇。事后无问佢食咗几多，我估大概都要两旧水落楼。张贴
