牧羊少年咖啡館 (雅蘭中心)

营业中

休息中

曾经都系牧羊少年嘅拥趸好多年前钟意佢哋嘅文化气质，员工有活力，有人情味，耐心对待客人，事过境迁，果然已经唔同晒。———————————————今日工作需要，所以喺旺角附近，街道下面，望到雅兰中心橱窗，发现牧羊少年，所以一试。商场内嘅牧羊少年装修已经变得雅致，当然亦都缺少咗一份情怀，但系座位尚算舒服。QR code下单亦都非常方便，选择种类亦算多，价钱略贵，不过以Cafe西餐而言，仍算可接受。———————————————出餐速度亦非常快捷，食物大致正常，不过不失，但系周遭急速嘅脚步，形成一种非常局促的感觉，彷如港式冰室茶餐厅。———————————————其中一位短发女员工，在不断来回穿梭收拾时动作粗鲁无礼，而且整个用餐过程，不断听到佢大谈客人嘅坏话无论系评头品足，定系嘲笑，下一个餐厅都尚算嘈吵嘅情况下，我哋作为客人仍然听得一清二楚，感觉亦都非常唔舒服。员工之间当然有佢哋嘅闲谈，但系大声到客人都听到，呢个就系问题。———————————————总括而言，食物饮品质素正常，装修环境系舒服嘅，但系好似西餐厅价钱，茶餐厅感觉。