影片
更多
2007-05-31
24 浏览
好耐冇同老婆去行街, 今朝一早食左件三文治就去左SOGO shopping, 老婆就收獲甚豐, 我就乜都冇買過, 唯有食番餐好D o既補償番啦!諗住去世貿阿拉麵館, 但醒起有間韓國野好似幾得, 見有lunch set都係under $100, 值得一試.店子不算很大, 但光線充足又坐得很舒服. 一點半左右入座, 已經過左peak hour, 不過好在lunch set供應到兩點半. 選擇不算多, 大概四、五款左右, 但有齊湯麵、牛肋骨定食、石頭飯、牛肋骨湯等...我同老婆分別叫左石頭飯($68)同牛肋骨($88), 每個餐都包前菜四小碟, 一碗湯及咖啡.石頭飯食法正宗, 材料豐富新鮮, 分量亦沒有因為係lunch set而縮水, 配以韓式辣醬味道一流. 所謂寶物尋歸底, 千萬別忘記吃一口飯焦!牛肋骨鐵板上, 分量亦不少, 足有兩大舊. 可知晚餐點一客的話要$130, 份量頂多只是多一點點, 所以差不多是物超所值. 牛肋骨肉質嫩滑, 肉汁豐富, 調味的份量亦很適宜, 不會蓋過牛肉的鮮味.泡菜雖然只有小碟的份量, 但已叫我印象深刻, 新鮮是肯定的, 味道層次分明, 不會只覺辛辣. 港式韓燒
諗住去世貿阿拉麵館, 但醒起有間韓國野好似幾得, 見有lunch set都係under $100, 值得一試.
店子不算很大, 但光線充足又坐得很舒服. 一點半左右入座, 已經過左peak hour, 不過好在lunch set供應到兩點半. 選擇不算多, 大概四、五款左右, 但有齊湯麵、牛肋骨定食、石頭飯、牛肋骨湯等...
我同老婆分別叫左石頭飯($68)同牛肋骨($88), 每個餐都包前菜四小碟, 一碗湯及咖啡.
石頭飯食法正宗, 材料豐富新鮮, 分量亦沒有因為係lunch set而縮水, 配以韓式辣醬味道一流. 所謂寶物尋歸底, 千萬別忘記吃一口飯焦!
牛肋骨鐵板上, 分量亦不少, 足有兩大舊. 可知晚餐點一客的話要$130, 份量頂多只是多一點點, 所以差不多是物超所值. 牛肋骨肉質嫩滑, 肉汁豐富, 調味的份量亦很適宜, 不會蓋過牛肉的鮮味.
泡菜雖然只有小碟的份量, 但已叫我印象深刻, 新鮮是肯定的, 味道層次分明, 不會只覺辛辣. 港式韓燒的泡菜固然未能相比, 個人覺得就算是標榜著正宗韓菜的韓國料理出品亦有距離.
食物質素總括來說可算是非常之高, 服務方面亦差不多是滿分的, 待應個個有禮, 笑容十足, 會問下你對食物的意見, 當結帳離開時又聽到了不下三四聲誠懇的多謝.
午市不設加一, 埋單就係$68+$88.
我倆對這餐都讚不絕口, 相信離番兜之期不遠矣.
张贴
