慢煮工業 (已結業)

今次去一间位于旺角近大角咀嘅工业风慢煮餐厅，铺面细细，装修系属于旧美式风格，舒适又前卫。Lunch 时间唔算多人，叫咗两个lunch set 第一个系All day Breakfast配芝士龙虾 ，依个配搭我都系第一次试，感觉非常之唔错，芝士半熔，龙虾亦尚算新鲜，肉质弹牙，配上黑松露炒蛋，适合重口味嘅朋友，仲有个芝士大啡菇，非常多汁。第二样就系BBQ 猪肋骨配沙律，猪肋骨经慢煮后骨肉分离，非常入味，酱汁偏甜，沙律菜尚有一粒慢煮温泉蛋，刺穿后捞埋啲菜一齐食，健康有营养。饮品方便就有伯爵红茶。另外值得一提就系呢间餐厅采用自助服务形式，所以系唔会收加一服务费，酱汁餐具都系自己攞，无需他人代劳。